Allu Arjun: अखेर पाच वर्षांनंतर बदलणार ‘पुष्प राज’ची स्टाईल; अल्लू अर्जुन लवकरच नव्या लूकमध्ये झळकणार!

साऊथ अभिनेता अल्लू अर्जुनने त्याच्या 'पुष्पा 2: द रुल' या चित्रपटातील 'पुष्पा राज' या पात्रासाठी पाच वर्षे लांब दाढी आणि केस ठेवले होते. आता अभिनेत्याचा हा लुक लवकरच बदलणार आहे.

फोटो सौजन्य - सोशल मीडिया

Follow Us:

Follow Us:

साऊथ स्टार अल्लू अर्जुनचा ‘पुष्पा 2: द रुल’ हा चित्रपट नुकताच ब्लॉकबस्टर ठरला आहे. ताज्या अहवालांनुसार, अभिनेता त्याच्या पात्रासाठी जवळजवळ पाच वर्षे समर्पित केल्यानंतर चित्रपटात नवीन रूप सादर करणार आहे. पिंकविलाच्या रिपोर्टनुसार, चित्रपटाच्या यशानंतर त्याने आपली लांब दाढी आणि केस कापले आहेत. आणि आता अभिनेता त्याच्या खऱ्या लुक मध्ये दिसणार आहे. अभिनेत्याचा हा लुक पाहण्यासाठी चाहते आता उत्सुक आहेत. तसेच मिळालेल्या माहितीनुसार अभिनेता लवकरच आगामी सिनेमांमध्ये काम करताना दिसणार आहे.

नव्या रुपावर लवकरच पडदा उचलला जाणार आहे
रिपोर्टमध्ये असेही म्हटले आहे की अल्लू अर्जुन लवकरच त्याचा नवीन लूक सोशल मीडियावर शेअर करणार आहे. ‘पुष्पा 2’ मधील त्याच्या व्यक्तिरेखेबद्दलचे त्याचे समर्पण स्पष्ट होते कारण त्याने संपूर्ण चित्रपटात आपली लांब दाढी आणि केस ठेवून केले होते. अलीकडेच अल्लू अर्जुनने खुलासा केला होता की, त्याची मुलगी अरहा त्याच्या दाढीमुळे त्याच्यापासून दूर राहायची. आता अभिनेत्याने त्याची दाढी आणि केस कापले आहेत.

Kartik Aaryan: करण जोहरच्या चित्रपटासाठी करोडो फी घेतल्यानंतर कार्तिकने मुंबईत खरेदी केली मोठी प्रॉपर्टी!

अभिनेता दोन दिग्दर्शकांसोबत काम करू शकतो
सध्या अल्लू अर्जुन त्याच्या आगामी चित्रपटांची योजना आखत आहे. तो संदीप रेड्डी वंगा आणि आणखी एका त्रिविक्रम श्रीनिवासच्या चित्रपटात दिसू शकतो. ‘पुष्पा’मध्ये इतका वेळ घालवल्यानंतर आगामी काळात दरवर्षी अनेक प्रकल्पांवर काम करण्याची इच्छा त्यांनी व्यक्त केली आहे. अभिनेता लवकरच नव्या लुकसह नव्या चित्रपटामध्ये दिसण्याची शक्यता आहे. तसेच या चित्रपटाचे नाव अद्यापही समोर आलेले नाही.

चेंगराचेंगरीमुळे अल्लू प्रसिद्धीच्या झोतात आला
अल्लू अलीकडे पुष्पा 2 च्या प्रीमियर दरम्यान संध्या थिएटरमध्ये झालेल्या चेंगराचेंगरीच्या घटनेमुळे खूप चर्चेत आला. 4 डिसेंबर रोजी हैदराबादच्या संध्या थिएटरमध्ये ही घटना घडली, जिथे अल्लू अर्जुनला पाहण्यासाठी मोठा जमाव जमला होता. या घटनेत एका महिलेचा मृत्यू झाला होता. त्याचवेळी त्या महिलेचा ८ वर्षांचा मुलगा श्री तेज गंभीर जखमी झाला. आता या मुलाची तब्येत चांगली असून, अल्लू अर्जुन या प्रकरणाच्या चर्चेतून थोडा बाहेर आला आहे.

Anurag Kashyap: दिग्दर्शक अनुराग कश्यपने मुंबई सोडण्याची केली घोषणा, काय आहे नक्की कारण?

‘पुष्पा 2’ ने आतापर्यंत इतकी कमाई केली आहे
पुष्पा 2 अजूनही बॉक्स ऑफिसवर चांगली कमाई करत आहे. या चित्रपटाने आतापर्यंत भारतात 1163.65 कोटी रुपयांची कमाई केली आहे. लवकरच हा चित्रपट भारतातील 1200 कोटी क्लबमध्ये सामील होणार आहे. तसेच, हा चित्रपट प्रेक्षकांना खूप आवडला आहे. तसेच या चित्रपटामधील सगळी गाणी आणि कलाकार प्रेक्षकांना खूप आवडले आहेत.

Web Title: Pushpa 2 the rule actor allu arjun trimmed his long hair and beard

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com