‘धूम 4’ मध्ये रणबीर कपूरचा दिसणार डॅशिंग लुक, सोशल मीडियावर फोटो होतायत व्हायरल!

रणबीर कपूरच्या नव्या लूकचे फोटो व्हायरल होत आहेत. ही छायाचित्रे पाहून 'धूम 4' चित्रपटात अभिनेता असाच लूक असेल असा अंदाज चाहत्यांनी लावला आहे. 'धूम 4' चित्रपटामध्ये बॉलीवूड अभिनेता रणबीर कपूर खलनायकाच्या भूमिकेत दिसणार आहे. हा चित्रपट लवकरच प्रेक्षकांच्या भेटीस येणार आहे. आता अभिनेताचा हा डॅशिंग लुक पाहून चाहते हा चित्रपट पाहण्यासाठी उत्सुक झाले आहेत.

बॉलीवूड अभिनेता रणबीर कपूरचे सोशल मीडियावर भलेही कोणतेही अकाऊंट नसेल पण त्याचा फॅन फॉलोइंग खूप मोठा आहे. अभिनेत्याचा नुकताच एक नवीन फोटो आणि व्हिडिओ सध्या सोशल मीडियावर व्हायरल होत आहे. आता रणबीर कपूरच्या नव्या लूकचे काही फोटो सोशल मीडियावर व्हायरल होत आहेत जे चाहत्यांचे लक्ष वेधून घेत आहेत. आपल्या आवडत्या अभिनेत्याचा नवा लूक पाहून चाहते प्रतिक्रिया देत आहेत. ‘धूम 4’ या चित्रपटात रणबीर कपूरचा असाच लूक पाहायला मिळणार असल्याचे चाहत्यांचे म्हणणे आहे. रणबीर कपूर ‘धूम 4’ चित्रपटात दिसणार असल्याचे बऱ्याच दिवसांपासून सांगितले जात आहे.

रणबीर कपूरचा नवा लूक लक्ष वेधून घेत आहे
सेलिब्रिटी हेअरस्टायलिस्ट अलीम हकीमने त्याच्या इंस्टाग्राम अकाउंटवर रणबीर कपूरचे तीन फोटो शेअर केले आहेत. यामध्ये अभिनेता नवीन हेअरस्टाईलसह नव्या लूकमध्ये दिसत आहे. त्यात अभिनेत्याने चष्मा देखील लावला आहे. काळ्या रंगाचा चष्मा त्याला खूप शोभून दिसत आहे. रणबीर कपूरचे नवीन फोटो त्याच्या चाहत्यांना खूप आवडत आहेत. रणबीर कपूरच्या फोटोंवर चाहते कमेंट करत आहेत. एका चाहत्याने लिहिले आहे की, ‘धूम 4 मध्ये असा लूक असेल’. दुसऱ्या चाहत्याने लिहिले आहे की, ‘धूम 4 चा फायर लूक.’ तिसऱ्या चाहत्याने लिहिले आहे की, ‘धूम 4 ची तयारी करत आहे.’ चौथ्या चाहत्याने ‘धूम 4 मॅन’ असे लिहिले असून अनेकांनी त्याला प्रतिसाद दिला आहे. अभिनेत्याचा हा लुक चाहत्यांना प्रचंड आवडला आहे.

 

See more

हे देखील वाचा- ‘भूल भुलैया 3’ मध्ये दिलजीत दोसांझ आणि पिटबुल एंट्री, चित्रपटाचे आकर्षित टायटल ट्रॅक झाले लाँच!

रणबीर कपूरचे आगामी चित्रपट
अनेक दिवसांपासून मीडिया रिपोर्ट्समध्ये रणबीर कपूर ‘धूम 4’ चित्रपटात खलनायकाच्या भूमिकेत दिसणार असल्याचे सांगितले जात आहे. तथापि, निर्मात्यांनी ‘धूम 4’ चित्रपट आणि त्यात रणबीर कपूरच्या कास्टिंगबद्दल कोणतीही माहिती दिलेली नाही. रणबीर कपूरच्या वर्क फ्रंटबद्दल बोलायचे झाले तर तो ‘रामायण’ आणि ‘लव्ह अँड वॉर’ या चित्रपटात काम करताना दिसणार आहे. डिसेंबर 2023 मध्ये थिएटरमध्ये प्रदर्शित झालेल्या ‘ॲनिमल’ चित्रपटात रणबीर कपूर शेवटचा दिसला होता. ‘ॲनिमल’ चित्रपटाने बॉक्स ऑफिसवर बंपर कमाई केली. आणि आता अभिनेता नवीन चित्रपट घेऊन लवकरच चाहत्यांच्या भेटीस येणार आहे.