Ramayana: रणबीरच्या ‘रामायण’ चित्रपटाचे अरबी Version प्रदर्शित, प्रेक्षकांना ५० भाषांमध्ये होणार उपलब्ध

नमित मल्होत्रा ​​आणि नितेश तिवारी दिग्दर्शित रणबीर कपूर अभिनीत रामायण हा चित्रपट ५० भाषांमध्ये प्रदर्शित होणार आहे आणि त्याचे बजेट ४००० कोटी रुपये आहे, ज्यामध्ये अरबी आवृत्तीचाही समावेश आहे.

• ‘रामायण’ चित्रपटाचे अरबी Version प्रदर्शित
• प्रेक्षकांना ५० भाषांमध्ये होणार उपलब्ध
• ‘रामायण’ कधी होणार प्रदर्शित?

 

रणबीर कपूरच्या “रामायण” चित्रपटाची तयारी जोरात सुरू आहे. निर्माता नमित मल्होत्राने या प्रकल्पात मोठी गुंतवणूक केली आहे. हा भारतीय चित्रपटसृष्टीतील सर्वात महागडा चित्रपट असणार आहे. नितेश तिवारी दिग्दर्शित “रामायण” चा नवीन टीझर आता नुकताच प्रदर्शित झाला आहे, ज्यामध्ये तो अरबी भाषेतही प्रदर्शित होणार असल्याचे उघड झाले आहे. “रामायण” च्या अरबी टीझरला प्रेक्षकांचा चांगलाच प्रतिसाद मिळत आहे. हा चित्रपट प्रेक्षकांना सगळ्या भाषेत पाहता येणार आहे.

२०२५ वर्ष शाहरुख खानने केले स्वतःच्या नावावर, ‘या’ प्रसिद्ध यादीत मिळवले अव्वल स्थान

“रामायण” च्या निर्मात्यांनी आधीच पुष्टी केली आहे की ते चित्रपट जगभरात ४५-५० भाषांमध्ये प्रदर्शित करण्याची योजन आहे. चित्रपट इतक्या भाषांमध्ये प्रदर्शित होणे हा एक विक्रम आहे. बहुतेक रिलीज हिंदीसह इतर भारतीय भाषांमध्ये देखील होणार आहेत. जागतिक रिलीजचा विचार केला तर चित्रपट सामान्यतः इंग्रजीमध्ये तसेच मंदारिन (चीन) आणि निहोंगो (जपान) मध्ये प्रदर्शित होणार.

अरबी आवृत्तीमध्ये “रामायण” मिळणार पाहण्यास

पण आता, नमित मल्होत्राला “रामायण” वेगळ्या पातळीवर घेऊन जायचे आहे. ते हा चित्रपट देशांतर्गत आणि आंतरराष्ट्रीय स्तरावर विविध भाषांमध्ये प्रदर्शित करण्याची योजना आखत आहेत. या अनुषंगाने, निर्मात्यांनी आता एक अरबी परिचय व्हिडिओ शेअर केला आहे. हा तोच व्हिडिओ आहे जो सुमारे पाच महिन्यांपूर्वी हिंदी, इंग्रजी आणि इतर भाषांमध्ये रिलीज झाला होता.

“मी स्वार्थी होते, पप्पांना हॉस्पिटलमध्ये…”, Priyanka Chopra ने वडिलांसोबतच्या ‘त्या’ आठवणींना दिला उजाळा

‘रामायण’ चित्रपट कधी होणार प्रदर्शित

‘रामायण’मध्ये रणबीर कपूर, साई पल्लवी, यश, सनी देओल, रवी दुबे, अरुण गोविल, लारा दत्ता, कुणाल कपूर आणि शीबा चड्ढा यांच्यासह इतर कलाकार देखील प्रेक्षकांना पाहायला मिळणार आहेत. चित्रपटाचे संगीत ए.आर. रहमान यांनी दिले आहे आणि हंस झिमर यांनी संगीत दिले आहे. ‘रामायण’ हिंदी, तमिळ, तेलगू, कन्नड, बंगाली, मराठी, इंग्रजी, चिनी, जपानी आणि स्पॅनिशसह ५० भाषांमध्ये प्रदर्शित होण्याची अपेक्षा आहे. नमित मल्होत्रा ​​आणि नितेश तिवारी यांचा रामायण हा चित्रपट दोन भागात बनवला जाणार आहे. त्याचे बजेट ४,००० कोटी रुपये असल्याचे सांगण्यात येत आहे, जे मागील सर्व चित्रपटांपेक्षा जास्त आहे. हे बजेट आरआरआर, बाहुबली आणि आदिपुरुषपेक्षाही जास्त आहे.