(फोटो सौजन्य - इन्स्टाग्राम)
दाक्षिणात्य सुपरस्टार अभिनेत्री रश्मिका मंदानाने आपल्या अभिनयाने आणि शैलीने अनेक मने जिंकली आहेत. तिने अगदी लहान वयातच चित्रपटसृष्टीत आपले भक्कम स्थान निर्माण केले आहे. आज रश्मिका मंदाना स्वतःचा ३० वा वाढदिवस साजरा करत आहे. या खास प्रसंगी, चाहत्यांपासून ते कलाकारांपर्यंत सर्वजण रश्मिका मंदानावर मनःपूर्वक शुभेच्छांचा वर्षाव करत आहेत.
तसेच, विजय देवराकोंडानेही रश्मिकाच्या वाढदिवसानिमित्त चाहत्यांना एक सुखद धक्का दिला. विजयने सोशल मीडियावर ‘राणाबली’चा एक अनसीन व्हिडिओ शेअर केला, ज्यामध्ये रश्मिका मंदानाचा ‘जयम्मा’च्या भूमिकेतील सुंदर लूक दिसत आहे. विजय देवराकोंडाने शेअर केलेला हा व्हिडिओ लगेचच चर्चेचा विषय बनला आहे.
प्रभासच्या ‘फौजी’ चित्रपटाच्या सेटवरून फोटो लीक; निर्मांत्यानी दिली सक्त ताकीद
रश्मिका मंदानाच्या वाढदिवसानिमित्त, विजय देवराकोंडाने ‘राणाबली’च्या शूटिंगमधील व्हिडिओ शेअर केले. या व्हिडिओमध्ये रश्मिकाचे सेटवर फुलांनी स्वागत होताना दिसत आहे. रश्मिकाने जयम्माचा लूक कसा साकारला हे देखील व्हिडिओमध्ये दाखवण्यात आले आहे. व्हिडिओमध्ये अभिनेत्रीचा साधा आणि सभ्य लूक असूनही, रश्मिका मंदाना जयम्माच्या भूमिकेत खूप सुंदर दिसत होती. एवढेच नाही, तर ‘राणाबली’च्या व्हिडिओमध्ये विजय देवराकोंडा आणि रश्मिका मंदाना यांची जवळीक साधणारी स्टाईलही पाहायला मिळाली आहे. ही क्लिप शेअर करताना विजय देवराकोंडाने लिहिले, “जयम्मा, माझे तुझ्यावर खूप प्रेम आहे.”
विजय देवराकोंडाने रश्मिका मंदानासाठी केलेल्या पोस्टवर सोशल मीडिया वापरकर्त्यांकडून कमेंट्स आणि प्रेमाचा वर्षाव होत आहे. एका वापरकर्त्याने कमेंट करून लिहिले की, “वाढदिवसाच्या हार्दिक शुभेच्छा, मिसेस देवराकोंडा.” दुसऱ्याने लिहिले, “माझी सर्वात मौल्यवान व्यक्ती.” रश्मिका मंदाना आणि विजय देवराकोंडा यांचा हा चित्रपट यावर्षी ११ सप्टेंबर रोजी प्रदर्शित होणार आहे. चाहते या चित्रपटासाठी प्रचंड उत्सुक आहेत. मिळालेल्या माहितीनुसार, हा चित्रपट ॲक्शन आणि ड्रामाने परिपूर्ण असून एक पीरियड फिल्म आहे.
.png "Videos"){kind=small}
