ऋषभ शेट्टीने स्वतःच्या वाढदिवशी दाखवली Kantara: Chapter 1 ची पहिली झलक, कधी होणार चित्रपट रिलीज?

दिग्दर्शक आणि अभिनेता ऋषभ शेट्टी यांनी त्यांच्या वाढदिवशी 'कांतारा: चॅप्टर १' मधील नव्या लूकची झलक चाहत्यांना दाखवली आहे. अभिनेत्याचा लूक समोर येताच तो सोशल मीडियावर व्हायरल होत आहे.

आज ७ जुलै रोजी दक्षिणेचा सुपरस्टार ऋषभ शेट्टी त्याचा ४२ वा वाढदिवस साजरा करत आहे. या निमित्ताने त्याने त्याच्या बहुप्रतिक्षित ‘कांतारा: चॅप्टर १’ या चित्रपटाचे नवीन लूक पोस्टर रिलीज करून चाहत्यांना आश्चर्यचकित केले आहे. यासोबतच त्याने चित्रपटाच्या प्रदर्शनाची तारीखही जाहीर केली आहे. अर्थात, ऋषभ शेट्टीचा ‘कांतारा’ हा कन्नड चित्रपट २०२२ मध्ये प्रदर्शित झाला आणि बॉक्स ऑफिसवर सुपर-डुपर हिट ठरला. चाहते त्याच्या दुसऱ्या भागाची आतुरतेने वाट पाहत आहेत. आता हा चित्रपट २ ऑक्टोबरला संपूर्ण सिनेमागृहात प्रदर्शित होणार आहे.

वाढदिवसानिमित्त नवे पोस्टर प्रदर्शित
ऋषभ शेट्टीचे चाहते आणि हितचिंतक त्यांना वाढदिवसाच्या शुभेच्छा देत असताना, होम्बाले फिल्म्सने ‘कांतारा: चॅप्टर १’ या चित्रपटाचे नवे लूक पोस्टर प्रदर्शित केले आहे आणि त्यांना वाढदिवसाच्या शुभेच्छा दिल्या आहेत. या पोस्टसह अभिनेत्याने कॅप्शनमध्ये लिहिले की, ‘जिथे दंतकथा जन्माला येते आणि वन्य प्राण्यांची गर्जना प्रतिध्वनित होते, तिथे ‘कांतारा’ – लाखो लोकांना प्रभावित करते. या दंतकथेमागील आघाडीच्या शक्तीला ऋषभ शेट्टी या दैवी आणि गौरवशाली व्यक्तीला वाढदिवसाच्या शुभेच्छा.’

५० रुपये वाचविण्यासाठी उपाशी राहायचा गायक, आज आहे संगीत क्षेत्रातील प्रसिद्ध नाव

See more

कांतारा: चॅप्टर १ कधी प्रदर्शित होईल?
निर्मात्यांनी कांतारा: चॅप्टर १ च्या नवीन पोस्टरसह प्रदर्शनाची तारीखही जाहीर केली आहे. पोस्टच्या कॅप्शनमध्ये लिहिले आहे की, ‘दिव्य सिनेमॅटिक इव्हेंटचा बहुप्रतिक्षित प्रीक्वल ‘कंतारा चॅप्टर १’ हा २ ऑक्टोबर २०२५ रोजी जगभरातील चित्रपटगृहांमध्ये प्रदर्शित होणार आहे.’ कांतारा: चॅप्टर १ च्या नवीन लूक पोस्टरमध्ये, ऋषभ शेट्टी हातात कुऱ्हाड आणि ढाल धरून दिसत आहे. तो रागावलेल्या लूकमध्ये आगीच्या गोळ्यातून बाहेर पडताना या पोस्टरमध्ये दिसून येत आहे.

“हीच माऊलींची सेवा…” अनाथ- आदिवासी मुलांसाठी अभिनेत्याचा ‘एक हात मदतीसाठी’; चाहत्यांना केलं आवाहन

फर्स्ट लूक टीझर आधीच प्रदर्शित झाला
यापूर्वी निर्मात्यांनी ‘कांतारा: चॅप्टर १’ चा फर्स्ट लूक टीझर प्रदर्शित केला होता. टीझरमध्ये असा संकेत देण्यात आला होता की ‘कांतारा’ चित्रपटाची कथा जिथे संपली त्याच जंगलातून सुरू होईल. चित्रपटात शिवाची भूमिका साकारणारा ऋषभ शेट्टी त्याच जंगलात पोहोचतो आणि गायब होतो आणि कोणालाही सापडत नाही.