(फोटो सौजन्य- इन्स्टाग्राम)
अलीकडेच दिव्या दत्ताची ‘चिरैया’ ही मालिका ओटीटी प्लॅटफॉर्मवर प्रदर्शित झाली, ज्यामध्ये वैवाहिक बलात्कार, लग्नानंतर पतीकडून होणारी जबरदस्ती, पुरुषप्रधानता आणि महिलांची संमती यांसारख्या गंभीर विषयांना हात घालण्यात आला आहे. या मालिकेने सर्वांना धक्का दिला आणि सोशल मीडियावर महिलांची संमती व लग्नानंतर होणाऱ्या जबरदस्तीवर चर्चा सुरू झाली. हनिमुनचे ते दृश्य, ज्यात अरुण आपल्या पत्नीवर जबरदस्ती करतो, ते हृदयद्रावक होते. ही भूमिका साकारणाऱ्या सिद्धार्थ शॉला वैवाहिक बलात्काराच्या दृश्यामुळे सोशल मीडियावर प्रचंड टीका आणि द्वेषाचा सामना करावा लागला. लोकांनी खूप वाईट गोष्टी बोलल्या. मात्र, त्या दृश्याचे चित्रीकरण करताना सिद्धार्थ खूप थरथर कापत होता आणि रडला होता.
‘चिरैया’ या वेब सीरिजमधील सिद्धार्थच्या सह-अभिनेत्रीने हा खुलासा केला आहे. ‘फिल्मी ज्ञान’ला दिलेल्या मुलाखतीत ती म्हणाली, “जेव्हा आम्ही हनिमून सीनचा पहिला टेक शूट करत होतो, तेव्हा सिद्धार्थ रडू लागला. तो थरथर कापत रडत होता. आम्ही थोडा वेळ शूटिंग थांबवले आणि त्याला बरे वाटण्याची वाट पाहिली, आणि मग आम्ही पुन्हा शूटिंग सुरू केले.”
मराठी वेबविश्वात पुन्हा गुंजणार ‘पौर्णिमेचा फेरा’; तिसरा सीझन लवकरच प्रेक्षकांच्या भेटीला
जेव्हा सिद्धार्थला याबद्दल विचारले असता, तो म्हणाला, “मी रडलो तेव्हा ती कोणती भावना होती हे मला माहीत नाही. मला ते माहीत असते तर बरं झालं असतं. आम्ही आधीच सराव केला होता. ते एका कोरिओग्राफीसारखं होतं. मला माहीत होतं की तो अभिनय आहे, पण त्या क्षणी मला काय झालं, माझ्या मनात कोणती भावना निर्माण झाली, हे मला आजही माहीत नाही.” सिद्धार्थच्या मते, त्या दृश्याच्या केवळ कल्पनेनेच तो थरथर कापत होता आणि त्याची प्रकृती अधिकच खालावली होती.
दरम्यान, प्रसन्नाने खुलासा केला की, सेटवर एक इंटिमसी कोऑर्डिनेटर होता आणि सुरक्षेची अत्यंत खबरदारी घेण्यात आली होती. प्रसन्नाने स्पष्ट केले की, चित्रीकरणापूर्वी त्यांनी त्या दृश्याचा कसून सराव केला होता. ते एका कोरिओग्राफीसारखे होते, एक अशी प्रक्रिया ज्यात अभिनयाची गरज होती. प्रसन्नाने सांगितले की, ती आणि सिद्धार्थ एकमेकांना पाच-सहा वर्षांपासून ओळखत होते, त्यामुळे ते एकमेकांसोबत खूप सहज होते. मात्र, जेव्हा वैवाहिक बलात्काराच्या हृदयद्रावक दृश्याचे चित्रीकरण करण्याची वेळ आली, तेव्हा सिद्धार्थ थरथर कापू लागला आणि रडू लागला.
‘चिरैया’ २० मार्च रोजी जिओ हॉटस्टार या ओटीटी प्लॅटफॉर्मवर प्रदर्शित झाला. यात दिव्या दत्ता, प्रसन्ना बिष्ट, सिद्धार्थ शॉ आणि संजय मिश्रा यांच्यासोबत टिन्नू आनंद, फैसल रशीद आणि सरिता जोशी यांच्या प्रमुख भूमिका आहेत.
.png "Videos"){kind=small}
