(फोटो सौजन्य इन्स्टाग्राम)
बॉलीवूड गायक झुबिन गर्गचा सिंगापूरमधला मृत्यू हा अपघात नसून हत्या होती. असे आसामचे मुख्यमंत्री हिमंता बिस्वा सरमा यांनी हे उघड केले आहे. त्यांनी आसाम विधानसभेत सांगितले की झुबिन गर्गची हत्या झाली, ते अपघातात बळी पडलेला नाही. असा घृणास्पद गुन्हा करणाऱ्यांना कठोर शिक्षा करण्याचे आश्वासन त्यांनी दिले आहे. विरोधी पक्षाने झुबीन गर्ग यांच्या मृत्यूबाबत चर्चा झाली पाहिजे अशी मागणी केली आहे.
आसाम विधानसभेत गायक झुबिन गर्ग यांच्या मृत्यूवर चर्चा करण्यासाठी विरोधी पक्षाच्या स्थगन प्रस्तावाला उत्तर देताना मुख्यमंत्री शर्मा म्हणाले की, आसाम पोलिसांना त्यांच्या प्राथमिक तपासात खात्री पटली की हा सदोष मनुष्यवधाचा खटला नाही, तर पूर्वनियोजित कटाचा भाग म्हणून केलेला खून आहे. एका व्यक्तीने झुबिन गर्ग यांची हत्या केली आणि इतरांनी त्याला मदत केली. या प्रकरणात चार ते पाच जणांविरुद्ध गुन्हा दाखल करण्यात आला आहे.
मुख्यमंत्र्यांनी सांगितले की, आसाम पोलिसांनी या प्रकरणाची चौकशी करण्यासाठी आसाम पोलिसांच्या गुन्हे अन्वेषण विभाग (सीआयडी) अंतर्गत एक विशेष तपास पथक (एसआयटी) स्थापन केले आहे. सीआयडीच्या अहवालात असे सूचित करण्यात आले आहे की गायकाला विष देण्यात आले होते, जे एका पार्टीत पेयामध्ये मिसळण्यात आले होते. या हत्येमागे पैशाचा व्यवहार असल्याचा संशय आहे. गृह मंत्रालयाकडून मंजुरी मिळाली आहे आणि ८ डिसेंबर २०२५ पर्यंत आरोपपत्र दाखल केले जाईल.
Our #BelovedZubeen was murdered. The accused will face the wrath of the law. pic.twitter.com/KbT347mojB — Himanta Biswa Sarma (@himantabiswa) November 25, 2025
मुख्यमंत्र्यांनी सांगितले की, ५२ वर्षीय गायक झुबिन गर्ग हे नॉर्थ ईस्ट इंडिया फेस्टिव्हल (NEIF) मध्ये सहभागी होण्यासाठी सिंगापूरला गेले होते, जिथे १९ सप्टेंबर २०२५ रोजी समुद्रात पोहताना त्यांचा रहस्यमय परिस्थितीत मृत्यू झाला. जेव्हा त्यांचे पार्थिव भारतात परत आणण्यात आले तेव्हा असंख्य लोकांनी त्यांना श्रद्धांजली वाहिली आणि न्यायाची मागणी केली. या प्रकरणाचा तपास करताना, पोलिसांनी सिंगापूर आणि भारतात अनेकांना अटक केली, ज्यांच्या चौकशीतूनही महत्त्वाची माहिती मिळाली.
Rahul Gandhi paid tribute to Late Zubin Garg, the heartthrob of the people of Assam. Jannayak 🔥 pic.twitter.com/v5vAOf73eu — Mr. Democratic (@MrDemocratic_) October 17, 2025
मुख्यमंत्र्यांनी सांगितले की, आसाम पोलिसांनी भारतीय दंड संहितेच्या कलम ३०२ अंतर्गत हत्येचा गुन्हा दाखल केला आहे आणि एनईआयएफ कार्यक्रमाचे आयोजक श्यामकानु महंता, झुबिनचे वैयक्तिक व्यवस्थापक सिद्धार्थ शर्मा, बँड सदस्य शेखर ज्योती गोस्वामी, अमृतप्रभा महंता आणि अमृत प्रीतम महंता, झुबिनचे चुलत भाऊ आणि आसाम पोलिसांचे डीएसपी संदीपन गर्ग आणि सिंगापूरमधील एका हॉटेल स्टाफ सदस्यासह सात जणांना अटक केली आहे. हॉटेल स्टाफ सदस्यावर पेयात विष मिसळल्याचा आरोप आहे.
आजोबांच्या अस्थी घेण्यासाठी स्मशानभूमीत पोहचला नातू, धर्मेंद्रजींच्या जाण्याने देओल कुटुंबात शोक
.png "Videos"){kind=small}
