‘Sitaare Zameen Par’ वर सेन्सॉर बोर्डने चालवली कात्री, आमिर खानचे ‘हे’ संवाद हटवले; केले मोठे बदल

बॉलीवूड सुपरस्टार आमिर खानचा 'सितारे जमीन पर' हा चित्रपट २० जून रोजी प्रदर्शित होणार आहे. सीबीएफसीने चित्रपटाला प्रमाणपत्र देखील दिले आहे. त्याचबरोबर, चित्रपटाच्या संवादात काही बदल देखील करण्यात आले आहे.

बॉलीवूड सुपरस्टार आमिर खान ‘लाल सिंग चड्ढा’ नंतर त्याच्या नवीन चित्रपटासह रुपेरी पडद्यावर परतत आहे. अभिनेत्याचा ‘सितारे जमीन पर’ हा चित्रपट २० जून रोजी चित्रपटगृहात प्रदर्शित होत आहे. अलिकडेच, सेंट्रल बोर्ड ऑफ फिल्म सर्टिफिकेशन (सीबीएफसी) ने आक्षेप घेतल्याचे वृत्त आले होते. सेन्सॉरने चित्रपटात काही बदल करण्यास सांगितले होते परंतु आमिर खानच्या मते, चित्रपटाच्या आवश्यकतेनुसार बदल करण्यात आले नाहीत. त्यामुळे चित्रपटाचे काम थांबवण्यात आले. काल, सीबीएफसी आणि आमिर खान यांच्यात करार झाल्याची बातमी आली. त्यानंतर, ‘सितारे जमीन पर’ मध्ये काही बदल करण्याच्या सूचना देण्यात आल्या आहेत.

‘Sikandar’ चित्रपटाने १८४ कोटींची कमाई करूनही निर्मात्यांना मोठा तोटा, झाले एवढ्या कोटींचे नुकसान!

बदल करण्याचे दिले आदेश
बॉलीवूड हंगामाच्या वृत्तानुसार, आमिर खानने सीबीएफसीने दिलेल्या सूचनांवर असमाधान व्यक्त केले तेव्हा, वामन केंद्रे यांच्या अध्यक्षतेखालील सीबीएफसीच्या पुनरावलोकन समितीने आरसीने आपले मत सादर केले. १६ जून रोजी, आरसीने ‘सितारे जमीन पर’चा आढावा घेण्याची आणि प्रमाणन नियमांचे पालन सुनिश्चित करण्याच्या उद्देशाने अनेक बदल करण्यास सांगितले आहे.

या संवादांमध्ये बदल
रिपोर्टमध्ये पुढे म्हटले आहे की सितारे जमीन परमधील काही संवाद बदलण्यात आले आहेत. उदाहरणार्थ, एका दृश्यात पॉप आयकॉन मायकल जॅक्सनचा संदर्भ ‘लव्ह बर्ड्स’ या शब्दाने बदलण्यात आला आहे. याशिवाय, बिझनेस वुमन या शब्दाऐवजी बिझनेस पर्सन हा शब्द वापरण्यात आला आहे. चित्रपटात कमळ असलेले एक दृश्य आहे, ज्यावर आरसीने आक्षेप घेतला आणि त्यात बदल करण्याची मागणी केली. कमळाला राजकीयदृष्ट्या संवेदनशील प्रतीक म्हणून पाहिले जाऊ नये म्हणून हे करण्यात आले.

Mithi River desilting fraud: ६५ कोटी रुपयांच्या मिठी नदी घोटाळा प्रकरणात पुन्हा समन्स बजावणाऱ्या डिनो मोरियावर ईडीची नजर!

पंतप्रधान मोदींचे कोट जोडले
सीबीएफसीच्या मार्गदर्शक तत्त्वांनुसार, ‘सितारे जमीन पर’च्या व्हॉइस ओव्हर कथनासह एक नवीन समीकरण जोडण्यात आले आहे. याशिवाय, निर्मात्यांना चित्रपटात पंतप्रधान नरेंद्र मोदी यांचे एक कोट जोडण्यास सांगितले आहे. या सर्व बदलांनंतर, आमिर खानच्या सितारे जमीन पर चित्रपटाला १७ जून रोजी U/A १३+ प्रमाणपत्र देण्यात आले आहे. आता हा चित्रपट पाहण्यासाठी चाहते उत्सुक आहेत. तसेच या चित्रपमध्ये अनेक नवीन कलाकार पाहायला मिळणार आहे.