दुसऱ्या लग्नानंतर ४ वर्षांनी आई झाली ज्वाला गुट्टा; गोंडस मुलीचा फोटो शेअर करून साऊथ अभिनेत्याने दिली बातमी!

दाक्षिणात्य अभिनेता विष्णू विशाल दुसऱ्यांदा वडील झाला आहे. त्यांची पत्नी आणि माजी बॅडमिंटनपटू ज्वाला गुट्टा यांनी एका गोंडस मुलीला जन्म दिला आहे. विष्णूने सोशल मीडियावर आपल्या मुलीची एक झलक शेअर केली आहे.

प्रसिद्ध दाक्षिणात्य अभिनेते आणि निर्माते विष्णू विशाल यांच्या घरी आनंदाचा जलोष सुरु आहे. अभिनेत्याने त्याच्या सोशल मीडिया ‘एक्स’ अकाउंटद्वारे माहिती दिली की त्याची पत्नी आणि माजी बॅडमिंटन स्टार ज्वाला गुट्टाने एका मुलीला जन्म दिला आहे. विष्णू विशाल यांनी सोशल मीडियावर पत्नी आणि मुलीचा हात धरलेला एक फोटो पोस्ट केला आहे. याशिवाय, त्याने आणखी एक फोटो शेअर केला आहे ज्यामध्ये तिचा मुलगा मोठ्या हास्याने गोंडस मुलीकडे पाहत आहे. विशेष म्हणजे या बाळाचा जन्म अभिनेत्याच्या चौथ्या लग्नाच्या वर्धापनदिनी झाला आहे.

विष्णू विशालने फोटो शेअर केले आणि पोस्टमध्ये लिहिले, “आम्हाला एक मुलगी झाली आहे. आर्यन आता मोठा भाऊ आहे… आज आमचा चौथा लग्नाचा वाढदिवस आहे आणि या खास दिवशी आम्हाला देवाकडून एक खास भेट मिळाली आहे. तुमच्या सर्वांच्या प्रेमाची आणि आशीर्वादाची गरज आहे.” चाहते या जोडप्याचे अभिनंदन करत आहेत. आणि त्यांना भरभरून शुभेच्छा देत आहेत.

‘मी रागात मर्यादा विसरलो…’, आक्षेपार्ह जातीयवादी टिप्पणीनंतर अनुराग कश्यपने मागितली माफी!

विष्णू विशाल यांचे यापूर्वी २०११ मध्ये रजनी नटराजशी लग्न झाले होते. २०१७ मध्ये त्यांचा मुलगा आर्यनचा जन्म झाला आणि २०१८ मध्ये दोघांनी घटस्फोट घेण्याचा निर्णय घेतला. यानंतर, अभिनेत्याने २२ एप्रिल २०२१ रोजी हैदराबादमध्ये बॅडमिंटन स्टार ज्वाला गुट्टाशी लग्न केले. आणि दोघांनी नव्या आयुष्याला सुरुवात केली.

 

See more

विष्णू विशाल हा ज्वाला गुट्टाचा दुसरा नवरा आहे
ज्वाला गुट्टानेही विष्णू विशालशी दुसरे लग्न केले आहे. यापूर्वी तिचे लग्न बॅडमिंटनपटू चेतन आनंदशी झाले होते. ज्वाला आणि आनंद यांचे २००५ मध्ये लग्न झाले आणि २०११ मध्ये त्यांचा घटस्फोट झाला. ज्वाला सध्या ४१ वर्षांची आहे आणि ती तिच्या वैवाहिक जीवनात आनंदी आहे.

ऑस्कर विजेते MM Keeravani यांच्यावर प्रसिद्ध गायिकेचे गंभीर आरोप, रिॲलिटी शोचा केला पर्दाफाश!

विष्णू विशालचा आगामी चित्रपट
कामाच्या बाबतीत बोलायचे झाले तर, विष्णू विशाल पुढील चित्रपटात ममती बैजू नावाच्या मुख्य भूमिकेत दिसणार आहेत. चित्रपटाच्या निर्मात्यांनी शनिवारी घोषणा केली की त्यांच्या चित्रपटाचे नाव ‘इरांडू वनम’ आहे. रामकुमार यांच्या दिग्दर्शनाखाली बनणाऱ्या या चित्रपटामुळे विष्णू विशाल चर्चेत आहेत. सेंधिल त्यागराजन आणि अर्जुन त्यागराजन या चित्रपटाची निर्मिती करत आहेत. हा चित्रपट लवकरच प्रेक्षकांच्या समोर येणार आहे.