The Viral Fever चा दबदबा कायम! ‘प्राइम व्हिडिओ प्रेझेंट्स’मध्ये 6 मोठे शोज आणि चित्रपटांची दमदार घोषणा

‘पंचायत 5’ पासून ‘एस्पिरंट्स 3’ पर्यंत ‘प्राइम व्हिडिओ प्रेझेंट्स’ भारतातील सर्वाधिक लोकप्रिय स्टोरीटेलिंग युनिव्हर्सच्या मोठ्या घोषणा करण्यात आले आहे. यामुळे प्रेक्षकांचे भरभरून मनोरंजन होणार आहे.

• The Viral Fever चा दबदबा कायम
• ‘प्राइम व्हिडिओ प्रेझेंट्स’मध्ये 6 मोठे शोजची घोषणा
• चित्रपटांची देखील केली घोषणा

 

डिजिटल मनोरंजनाच्या दुनियेत स्वतःची वेगळी ओळख निर्माण करणाऱ्या The Viral Fever (TVF) ने पुन्हा एकदा आपली ताकद सिद्ध केली आहे. आकर्षक, वास्तवाशी जोडलेल्या आणि प्रेक्षकांच्या मनाला भिडणाऱ्या कथांमुळे TVF आज भारतातील सर्वात लोकप्रिय कंटेंट क्रिएटर्सपैकी एक बनले आहे. ‘प्राइम व्हिडिओ प्रेझेंट्स’ या भव्य मंचावर TVF ने आपल्या आगामी प्रोजेक्ट्सची घोषणा करत प्रेक्षकांचे लक्ष वेधून घेतले आहे.

या इव्हेंटमध्ये अनेक प्रोडक्शन हाऊसेसने आपल्या आगामी प्रोजेक्ट्सची झलक सादर केली, मात्र सर्वाधिक शोज आणि चित्रपटांची घोषणा करून TVF नेच सर्वाधिक प्रभाव टाकला आहे. त्यांच्या लोकप्रिय फ्रँचायझींचे नवीन सीझन्स, नव्या संकल्पनांचे शोज आणि चित्रपटांसह त्यांनी एक दमदार कंटेंट लाइनअप सादर केला आहे.

केदार शिंदे यांचा नवा प्रयोग; लेकीसोबत घेऊन येणार ‘आई भाड्याने हवी?’ हा आगामी चित्रपट

TVF च्या घोषणांमध्ये सर्वाधिक चर्चेत असलेला शो म्हणजे एस्पिरंट्स सीझन 3. UPSC परीक्षेच्या पार्श्वभूमीवर आधारित हा शो तरुणांमध्ये प्रचंड लोकप्रिय असून, नव्या सीझनमध्ये कथा आणखी उत्कंठावर्धक वळण घेईल अशी अपेक्षा आहे. यानंतर पंचायत सीझन 5 ची घोषणा झाली. ग्रामीण पार्श्वभूमीवर आधारित हा हलकाफुलका आणि भावनिक शो सर्व वयोगटातील प्रेक्षकांचा आवडता ठरला आहे.

तसेच, ‘ग्राम चिकित्सालय’ सीझन 2 चीही घोषणा करण्यात आली आहे. साध्या, विनोदी आणि वास्तववादी कथेमुळे या मालिकेला अल्पावधीतच मोठी लोकप्रियता मिळाली. याशिवाय ‘सपने वर्सेस एव्हरीवन’ सीझन 2 आणि ‘संदीप भैया’ या लोकप्रिय स्पिन-ऑफचा सीझन 2 ही प्रेक्षकांच्या भेटीला येणार आहे. फक्त इतक्यावरच न थांबता, TVF ने दोन नवीन शोज ‘पिरामिड’ आणि ‘वंश’ यांचीही घोषणा करण्यात आली आहे, ज्यामुळे त्यांच्या कंटेंट युनिव्हर्सचा विस्तार अधिकच वाढणार आहे.

अखेर प्रतीक्षा संपली, मिर्जापुर सीरीजच्या चाहत्यांसाठी आनंदाची बातमी, प्राइम वीडियोने जाहीर केली चित्रपटाची रिलीज डेट

वेब सिरीजसोबतच आता TVF चित्रपट क्षेत्रातही मोठं पाऊल टाकत आहे. ‘कॉलेज फेस्ट’ आणि Vvan या दोन चित्रपटांची घोषणा करण्यात आली आहे. विशेष म्हणजे ‘Vvan’साठी TVF ने बालाजी टेलिफिल्म्स सोबत भागीदारी केली आहे, जी इंडस्ट्रीतील दोन मोठ्या नावांची खास जोड ठरणार आहे. एकूणच, The Viral Fever ने ‘प्राइम व्हिडिओ प्रेझेंट्स’च्या मंचावर दमदार उपस्थिती दर्शवली आहे. इतक्या मोठ्या आणि वैविध्यपूर्ण घोषणांमुळे 2026 हे वर्ष TVF साठी आणि प्रेक्षकांसाठीही अत्यंत खास ठरणार आहे. मनोरंजनाची मेजवानी घेऊन येणाऱ्या या नव्या प्रोजेक्ट्सकडे आता सर्वांचे लक्ष लागले आहे.