Chhaava पाहिल्यानंतर विजय देवरकोंडाला कोणाला मारायची आहे कानशिलात? म्हणाला ‘मला राग येतोय…’

विकी कौशल आणि अक्षय खन्ना स्टारर 'छावा' चित्रपट पाहिल्यानंतर दक्षिणेतील अभिनेता विजय देवरकोंडा यांनी आपली प्रतिक्रिया दिली आहे. चित्रपट पाहिल्यानंतर त्याला कोणाला कानशिलात मारायचे आहे हे देखील त्याने सांगितले.

बॉलिवूड अभिनेता विकी कौशलचा ऐतिहासिक काळातील नाट्यमय चित्रपट ‘छावा’ चित्रपटगृहांनंतर नेटफ्लिक्सवर प्रदर्शित झाला आहे. या वर्षी १४ फेब्रुवारी रोजी प्रदर्शित झाल्यानंतर या चित्रपटाने अनेक मोठे विक्रम केले आहेत. हा चित्रपट विकी कौशलच्या कारकिर्दीतील आतापर्यंतचा सर्वात मोठा चित्रपट बनला आहे, ज्याला सर्व बाजूंनी कौतुक मिळाले आहे. आता दाक्षिणात्य अभिनेता विजय देवरकोंडा याने ‘छावा’ बाबत आपली प्रतिक्रिया दिली आहे. तो म्हणाला की चित्रपट पाहिल्यानंतर त्याला ‘राग’ आला. त्याला औरंगजेबाला भेटून जोरदार कानशिलात मारायची इच्छा त्याने व्यक्त केली आहे.

दहशतवादी हल्ल्यानंतर काश्मीरचे काय झाले? अभिनेता अतुल कुलकर्णी पोहचला पहलगाम; लोकांना दिले विशेष आवाहन!

विजय देवरकोंडाला आला राग
हिंदुस्तान टाईम्सच्या वृत्तानुसार, विजय देवरकोंडा हैदराबादमध्ये सुपरस्टार सूर्याच्या ‘रेट्रो’ चित्रपटाच्या वीकेंड प्री-रिलीज कार्यक्रमात सहभागी झाला होता. आणि याच संभाषणादरम्यान अभिनेत्याने विकी कौशलच्या ‘छावा’ चित्रपटावर आपली प्रतिक्रिया दिली. विजयने सांगितले की, विकी कौशल आणि अक्षय खन्ना स्टारर ‘छावा’ चित्रपट पाहिल्यानंतर त्याला खूप राग आला.

औरंगजेबाला कानशिलात मारायची इच्छा केली व्यक्त
जेव्हा विजय देवरकोंडाला विचारण्यात आले की त्यांना भूतकाळात परत जाऊन एखाद्याला भेटायला आवडेल का? यावर तो म्हणाला, ‘मला ब्रिटिशांना भेटून त्यांना एक जोरदार कानशिलात मारायची आहे.’ मी विकी कौशलचा ‘छावा’ चित्रपट पाहिला. या चित्रपटाने मला राग आणला. मला कदाचित औरंगजेबाला दोन-तीन वेळा कानशिलात मारण्याची संधी मिळायला हवी. मला अशा अनेक लोकांना भेटायला आवडेल. मी आत्ता एवढेच विचार करू शकतो.’ असं अभिनेत्याने या मुलाखतीदरम्यान उत्तर दिले.

Hansika Motwani Photos: हंसिका मोटवानीच्या कातील अदा; शेअर केला जबरदस्त लूक!

सूर्याची प्रतिक्रिया काय होती?
विजय देवरकोंडा व्यतिरिक्त, जेव्हा सूर्याला हाच प्रश्न विचारण्यात आला की भूतकाळात जाऊन त्याला काय करायला आवडेल? यावर सुपरस्टारने उत्तर दिले, ‘मला कोणाचीही आठवण येत नाही. मला माहित नाही की मी कोणासाठी भूतकाळात जाईन.’ असं अभिनेता म्हणाला. परंतु जेव्हा पुन्हा एकदा विजय देवरकोंडाला विचारण्यात आले की त्याला भूतकाळात जाऊन श्रीदेवी, विजयशांती किंवा रम्या कृष्णन यांच्यासोबत काम करायला आवडेल का? यावर उत्तर देताना, अभिनेत्याने सांगितले की त्याला सिमरन, ज्योतिका आणि सोनाली बेंद्रेसोबत काम करायला आवडेल.