‘Dhurandhar’ मधील एका सीनमुळे भडकलं पाकिस्तान; चित्रपटाची चांगली कमाई सुरु असतानाही खटला दाखल

रणवीर सिंग आणि आदित्य धर यांच्या 'धुरंधर' चित्रपटाने बॉक्स ऑफिसवर धुमाकूळ घातला, पीपीपी आणि कराचीच्या प्रतिमेबाबत पाकिस्तानच्या कराची न्यायालयात खटला दाखल करण्याची मागणी झाली, आखाती देशांमध्ये चित्रपटावर बंदी आहे.

• ‘Dhurandhar’ मधील एका सीनमुळे भडकलं पाकिस्तान
• चांगली कमाई सुरु असतानाही चित्रपटावर खटला दाखल
• “धुरंधर” मुळे पाकिस्तानात का भडका ?

रणवीर सिंग आणि आदित्य धर यांच्या “धुरंधर” या चित्रपटाची सतत चर्चा होत असताना दिसत आहे. हा चित्रपट बॉक्स ऑफिसवर चांगलाच धुमाकूळ घालत असला तरी, त्याचा परिणाम पाकिस्तानमध्येही जाणवत आहे. अक्षय खन्ना, संजय दत्त आणि अर्जुन रामपाल यांच्या प्रमुख भूमिका असलेल्या “धुरंधर” चित्रपटामुळे शेजारील देशात संतापाची लाट उसळली आहे, ज्यामुळे हे प्रकरण थेट न्यायालयात पोहचले आहे. “धुरंधर” चित्रपटाच्या निर्मात्यांवर खटला दाखल करण्याची मागणीही त्यांनी केली आहे. पाकिस्तानने “धुरंधर” चित्रपटावर आक्षेप का घेतला आहे आणि त्यांचा संताप का झाला आहे जाणून घेऊयात.

अर्जुन रामपालला लग्नाआधीच आहेत दोन मुलं? वयाच्या ५३ व्या वर्षी अभिनेत्याने प्रेयसी गॅब्रिएलाशी केला साखरपुडा

“धुरंधर” या भारतीय चित्रपटाबाबत पाकिस्तानातील कराची येथील जिल्हा न्यायालयात अर्ज दाखल करण्यात आला आहे. या अर्जात चित्रपटाचे दिग्दर्शक, निर्माता आणि इतर टीम सदस्यांविरुद्ध खटला दाखल करण्याची मागणी करण्यात आली आहे. हा चित्रपट सिनेमागृहात चांगली कमाई करत असतानाही अडचणीत अडकला आहे. आता पुढे हा चित्रपट किती कमाई करतो हे पाहणे उत्सुकतेचे ठरणार आहे.

“धुरंधर” मुळे पाकिस्तानात भडका

अर्जदार मोहम्मद आमिर हा पाकिस्तान पीपल्स पार्टी (पीपीपी) चा सदस्य असल्याचा दावा करण्यात आला आहे. त्याने आरोप केला आहे की चित्रपटाच्या ट्रेलरमध्ये पीपीपीला दहशतवाद्यांना सहानुभूती देणारे म्हणून दाखवण्यात आले आहे. तसेच, कराचीतील ल्यारी परिसराचे वर्णन “दहशतवादी युद्धक्षेत्र” म्हणून केले गेले आहे, जे खोटे आणि चिथावणीखोर आहे.

“जेव्हा मी रडतो तेव्हा लोकं हसतात…” सलमान खानने पुन्हा एकदा जिंकले चाहत्यांचे मन; स्वतःच्याच अभिनयाबद्दल म्हटले असं काही…

पाकिस्तान धुरंधरला का घाबरतो?

या अर्जात असेही म्हटले आहे की, चित्रपटात कायदेशीर परवानगीशिवाय माजी पंतप्रधान बेनझीर भुट्टो, पीपीपीचा ध्वज आणि रॅलीच्या दृश्यांचा वापर करण्यात आला आहे. “धुरंधर” हा चित्रपट आखाती देशांमध्ये बंदी घालण्यात आला आहे. “धुरंधर” हा चित्रपट केवळ भारतातच नाही तर जगभरात चांगला व्यवसाय करत आहे. परंतु, आखाती देशांमध्ये या चित्रपटावर बंदी घालण्यात आली आहे. बहरीन, कुवेत, ओमान, कतार, सौदी अरेबिया आणि युएईमधून “धुरंधर” ला प्रदर्शनाची परवानगी नाकारण्यात आली आहे. आखाती देशांनी यापूर्वी अनेक वेळा पाकिस्तानी थीम असलेल्या चित्रपटांवर बंदी घातली आहे.