‘डिलिव्हरी बॉय’ चित्रपटाच्या नवीन पोस्टरनं वेधलं प्रेक्षकांचं लक्ष, चित्रपट ९ फेब्रुवारीला होणार प्रदर्शित!

‘डिलिव्हरी बॉय’ (Delivery Boy) या चित्रपटाचे एक नवीन गंमतीशीर पोस्टर आपल्या भेटीला आले आहे. चित्रपट ९ फेब्रुवारीला रिलीज होणार आहे.

Follow Us:

Follow Us:

काही दिवसांपूर्वीच ‘डिलिव्हरी बॉय’ (Delivery Boy) चित्रपटाचं एक भन्नाट पोस्टर आणि टीझर प्रेक्षकांच्या भेटीला आलं. सोशल मीडियावर झळकलेल्या पोस्टर आणि टीझरला काही दिवसातच लाखो प्रेक्षकांची पसंती मिळत असतानाच चित्रपटातील पहिलं भन्नाट गाणे प्रदर्शित झालं.  यालाही प्रेक्षकांचा चांगला प्रतिसाद मिळत आहे. आता मोहसीन खान दिग्दर्शित ‘डिलिव्हरी बॉय’ या चित्रपटाचे एक नवीन गंमतीशीर पोस्टर आपल्या भेटीला आले आहे. पोस्टरमध्ये प्रथमेश परबच्या हातातील गिफ्टबॉक्समध्ये एक गोंडस बाळ दिसत आहे. त्याच्या बाजूला पृथ्विक प्रताप आणि डॅाक्टरच्या वेषात अंकिता लांडे पाटीलही दिसत आहे. त्यामुळे आता प्रथमेश या बाळांची डिलिव्हरी करणार का, असा प्रश्न अनेकांना पडला असेल. तर या प्रश्नाचे उत्तर प्रेक्षकांना ९ फेब्रुवारीला मिळणार आहे.

[read_also content=”सालारची रिलीज डेट आली समोर, जाणून घ्या चित्रपट ओटीटी वर कधी रिलीज होणार? https://www.navarashtra.com/movies/salaar-ott-release-date-movie-will-released-on-netfiix-on-20-january-nrps-499606.html”]

सिनेपोलिस आणि दीपा नायक प्रस्तुत, लुसिया एंटरटेनमेंट प्रोडक्शन निर्मित ‘डिलिव्हरी बॉय’ या चित्रपटाचे डेव्हिड नादर निर्माते आहेत तर फेलिक्स नादर, विकास श्रीवास्तव, विकास सिंग, राझ धाकड आणि ऋषिकेश पांडे सहनिर्माते आहेत. या चित्रपटाचे लेखन राम खाटमोडे आणि विनोद वणवे यांनी केले आहे. दिग्दर्शक मोहसीन खान म्हणतात, ” या चित्रपटातून एक वेगळा विषय मांडण्याचा आम्ही प्रयत्न केला आहे. सरोगसीसारख्या नाजूक विषयावर भाष्य करणाऱ्या आमच्या या चित्रपटातून प्रेक्षकांना संदेश देण्याचा एक प्रयत्न आहे. मात्र हे करताना या विषयाचे गांभीर्य जपत आम्ही त्याला विनोदाची साथ दिली आहे.’’

Web Title: Delivery boy new poster out movie will released on 9 february nrps

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com