शुक्रवार, 13 नोव्हेंबर 2026
Chhath Puja 2026 School Holiday:
Chhath Puja 2026 School Holiday: छठ पूजा, लोकश्रद्धा आणि सूर्य उपासनेचा चार दिवसांचा भव्य उत्सव, देशभरात मोठ्या थाटामाटात साजरा केला जातो.छठ पूजा म्हणजे बिहार, झारखंड, यूपी मधल्या लोकांसाठी सगळ्यात मोठा सण. दिवाळी झाली की लगेच छठची तयारी सुरू होते. हा सण चार दिवस चालतो. सुरुवात नहय-खायने होते आणि शेवट उषा अर्घ्य आणि पारणाने होतो.
यावर्षी हा उत्सव 13 नोव्हेंबर 2026 रोजी नहय-खायने सुरू होईल आणि 16 नोव्हेंबर रोजी उषा अर्घ्य व पारणाने समाप्त होईल. त्यामुळे शाळेत जाणारी मुलं आणि त्यांचे आई-वडील आतापासूनच विचारतायत, शाळेला सुट्टी कधी आहे? किती दिवस सुट्टी मिळणार?
राज्य सरकारे आणि शिक्षण विभागांनी जाहीर केलेल्या 2026 च्या सुट्ट्यांच्या कॅलेंडरनुसार, बिहार आणि झारखंड, तसेच पूर्व उत्तर प्रदेश आणि दिल्ली-एनसीआरमध्ये छठ खूप जोरात साजरी होते. त्यामुळे तिथे बऱ्याच ठिकाणी सरकारी सुट्टी जाहीर केलीय. चला, बघूया 13 ते 16 नोव्हेंबर दरम्यान कोणत्या राज्यात शाळा बंद राहणार.
बिहार, झारखंड, पूर्व उत्तर प्रदेश आणि दिल्ली-एनसीआरमधील अनेक भागांमध्ये छठ पूजेनिमित्त शाळांना सुट्ट्या जाहीर करण्यात आल्या आहेत.पण एक लक्षात ठेवा, सणाच्या पहिल्या दिवशी म्हणजे 13 नोव्हेंबर रोजी नहय-खाय आहे, त्या दिवशी बऱ्याच ठिकाणी शाळा सुरूच राहतील. खरी सुट्टी नंतरच्या दिवसात आहे. राज्याप्रमाणे सुट्टी वेगवेगळी आहे. खाली नीट बघा, तुमच्या राज्यात कधी सुट्टी आहे.
बिहारमध्ये छठ म्हणजे सगळ्यात मोठा सण. तिथे 14 नोव्हेंबर ते 16 नोव्हेंबर 2026 पर्यंत सुट्टी आहे. एकूण 3 दिवस शाळा बंद राहणार. 14 तारखेला खरना, 15 तारखेला संध्या अर्घ्य, 16 तारखेला उषा अर्घ्य आणि पारण. त्यामुळे बिहारमधल्या मुलांना 3 दिवस आराम मिळणार.
झारखंडमध्ये तर अजून जास्त सुट्टी आहे. तिथे 15 नोव्हेंबर ते 17 नोव्हेंबर 2026 पर्यंत सुट्टी आहे. आणि काही जिल्ह्यांमध्ये 14 नोव्हेंबरला पण सुट्टी दिलीय. म्हणजे एकूण 4 दिवसांची सुट्टी झाली. झारखंडमध्ये छठला खूप महत्त्व आहे, त्यामुळे तिथे सुट्टी पण जास्त दिली जाते.
उत्तर प्रदेशमध्ये पूर्वांचलमध्ये सुट्टीउत्तर प्रदेशमध्ये सगळीकडे नाही, पण पूर्वांचल जिल्ह्यांमध्ये सुट्टी आहे. तिथे 16 नोव्हेंबर 2026 रोजी सुट्टी आहे. आणि 15 नोव्हेंबरला रविवार आहे, त्यामुळे साप्ताहिक सुट्टी पण मिळेल. म्हणजे एकूण 2 दिवसांची सुट्टी झाली. लखनऊ, बनारस, गोरखपूर, प्रयागराज सारख्या ठिकाणी छठ मोठ्या प्रमाणात साजरी होते, तिथे शाळा बंद राहतील.
दिल्ली-एनसीआरमध्ये 15 नोव्हेंबर ते 16 नोव्हेंबर पर्यंत सुट्टी आहे. एकूण 2 दिवसांची सुट्टी, ज्यात रविवारची साप्ताहिक सुट्टी पण आली. दिल्लीत पण आता बिहार-यूपीची खूप लोकं राहतात, त्यामुळे तिथे पण छठला सुट्टी दिली जाते.
बिहारमधील शाळा 17 किंवा 18 नोव्हेंबर 2026 रोजी पुन्हा सुरू होतील. बिहारमध्ये 17 किंवा 18 नोव्हेंबरला शाळा परत सुरू होतील आणि नेहमीसारखे वर्ग चालू होतील. झारखंडमधल्या शाळा पण सुट्टीनंतर 18 नोव्हेंबर 2026 रोजी परत उघडतील. दिल्ली आणि पूर्व उत्तर प्रदेशमध्ये, सगळ्या शाळा सुट्टीनंतर मंगळवार, 17 नोव्हेंबर रोजी परत सुरू होतील.ए क गोष्ट लक्षात ठेवा, ही माहिती सरकारी कॅलेंडरवरून आहे.
पण तुमच्या शाळेने वेगळी नोटीस काढली असेल तर तीच खरी मानायची. त्यामुळे पालकांनी आणि विद्यार्थ्यांनी आपापल्या शाळेची अधिकृत नोटीस एकदा नक्की बघावी. व्हॉट्सअॅप ग्रुपवर काय येतंय, त्यावरून ठरवू नका. शाळेच्या नोटीस बोर्डवर किंवा शिक्षकांनी सांगितलेली तारीखच अंतिम समजा.छठ पूजा म्हणजे फक्त सुट्टी नाही, तो श्रद्धेचा सण आहे. घाटावर जाऊन सूर्याला अर्घ्य देणं, उपवास करणं, ठेकुआ बनवणं, हे सगळं तिथल्या लोकांसाठी खूप महत्त्वाचं आहे. त्यामुळे सुट्टी मिळाली की घरी बसू नका, घरच्यांसोबत घाटावर जाऊन तो उत्सव नक्की बघा.
