कोलकात : प्रसिद्ध गायक कृष्णकुमार कुन्नथ म्हणजेच ‘के के’चे निधन झाले आहे. कोलकात्यामध्ये लाइव्ह कॉन्सर्टमध्ये अस्वस्थ वाटू लागल्यानंतर त्याला हृदयविकाराचा झटका आला. रुग्णालयात दाखल करण्यापूर्वीच त्याचे निधन झाले. तो ५४ वर्षांचा होता.
केके कोलकात्यामधील गुरुदास कॉलेजमधील नाझरुल मंचच्या कार्यक्रमामध्ये गात असतानच त्याला अस्वस्थ वाटू लागले. त्यामुळे तो त्याच्या हॉटेल रुममध्ये परतला. मात्र, त्याची प्रकृती खालावल्यानंतर त्याला कोलकात्यामधील सीएमआरआय रुग्णालयात दाखल करण्यात आले. यावेळी, डॉक्टरांनी त्याला मृत घोषित केले. हृदयविकाराच्या झटक्याने त्याचे निधन झाल्याचे सांगितले जात आहे. सकाळी त्याची पत्नी आणि मुले कोलकात्यामध्ये दाखल होत असून मागील दोन दिवसांत केकेने कोलकात्यात दोन कॉन्सर्ट केले होते.
पंतप्रधान नरेंद्र मोदींनीही केकेच्या मृत्यूच्या बातमीनंतर ट्विटरवरुन शोक व्यक्त केला आहे.
Saddened by the untimely demise of noted singer Krishnakumar Kunnath popularly known as KK. His songs reflected a wide range of emotions as struck a chord with people of all age groups. We will always remember him through his songs. Condolences to his family and fans. Om Shanti. — Narendra Modi (@narendramodi) May 31, 2022
