(फोटो सौजन्य- इन्स्टाग्राम)
हॉलिवूड मधून धक्कादायक बातमी समोर आली होती. अमेरिकन चित्रपट निर्माते रॉब रेनर आणि त्यांची पत्नी मिशेल सिंगर रेनर हे त्यांच्या लॉस एंजेलिसच्या घरात मृतावस्थेत आढळले. त्यांचा मुलगा निक रेनर हा त्यांच्या कथित हत्येतील संशयितांपैकी एक मानला जात होता. आता त्याला अटक करण्यात आल्याचे वृत्त समोर आले आहे.
पेज सिक्सने रॉब रेनरचा मुलगा निक याला अटक करण्यात आल्याचे समजले आहे. त्यानंतर टीएमझेडने वृत्त दिले की निक सध्या लॉस एंजेलिस काउंटी शेरीफ विभागाच्या ताब्यात आहे. त्याच्या जामिनाची रक्कम $४ दशलक्ष ठेवण्यात आली आहे. वृत्तानुसार, रविवारी रात्री निकला ताब्यात घेण्यात आले होते, परंतु याची अधिकृतपणे पुष्टी झालेली नाही.
रॉब रेनरच्या कुटुंबाचे निवेदन
मीडिया रिपोर्ट्सनुसार, रॉब आणि त्याची पत्नी मिशेल यांना चाकूने मारण्यात आले. त्यांच्या कुटुंबाने एक निवेदन प्रसिद्ध केले ज्यामध्ये म्हटले आहे की, “आम्ही मिशेल आणि रॉब रेनर यांच्या दुःखद निधनाची घोषणा करत आहोत. या अचानक झालेल्या नुकसानाने आम्ही खूप दुःखी आहोत. या अविश्वसनीय कठीण काळात आम्ही गोपनीयतेची विनंती करतो.” असे निवेदन रॉब यांच्या कुटुंबाने जाहीर केले.
रॉब रेनर कोण होते?
रॉब रेनर हे हॉलिवूडमधील सर्वात प्रसिद्ध चित्रपट निर्मात्यांपैकी एक होते. त्यांनी १९८४ च्या “दिस इज स्पाइनल टॅप” या चित्रपटाने आपल्या कारकिर्दीची सुरुवात केली. नंतर त्यांनी “व्हेन हॅरी मेट सॅली”, “मिसरी”, “अ फ्यू गुड मेन”, “द अमेरिकन प्रेसिडेंट” आणि इतर अनेक प्रसिद्ध चित्रपटांचे दिग्दर्शन केले. त्यांचा शेवटचा चित्रपट “स्पाइनल टॅप II: द एंड कंटिन्यूज” होता, जो या वर्षी सप्टेंबरमध्ये प्रदर्शित झाला. तसेच दिग्दर्शक आणि त्यांच्या पत्नीच्या अचानक जाण्याच्या बातमीने हॉलिवूडमध्ये खळबळ उडाली. त्यांचे चाहते आणि कुटुंबाला मोठा धक्का बसला आहे.
रॉब रेनरचे हे दुसरे लग्न
रॉबने १९७१ मध्ये अभिनेत्री पेनी मार्शलशी लग्न केले, परंतु १९८१ मध्ये त्यांचा घटस्फोट झाला. नंतर त्याने १९८९ मध्ये मिशेल सिंगरशी लग्न केले, ज्यांच्यापासून त्यांना तीन मुले झाली. दोन मुलगे, जॅक आणि निक आणि एक मुलगी, रोमी. निकला अटक करण्यात आली आहे, परंतु त्याने त्याच्या पालकांची हत्या का केली हे अद्याप स्पष्ट झालेले नाही.
.png "Videos"){kind=small}
