(फोटो सौजन्य- सोशल मीडिया)
‘इट्स मज्जा’या युट्यूब वाहिनीवरून प्रसारीत होणाऱ्या “पाऊस” या वेबसिरीजला प्रेक्षकांचा उत्तम प्रतिसाद लाभत आहे. या नवीन सीरिजमधून ‘इट्स मज्जा’ने प्रेक्षकांसमोर एक नवीन विषय मांडण्याचा प्रयत्न केला आहे. ‘पाऊस’ आणि प्रेमाचं नात हे प्रत्येकाला भावणारं असतं. प्रत्येकाच्या प्रेम कहाणीमध्ये कुठे ना कुठेतरी ‘पाऊस’ हा महत्वाचा असतो. या वेबसिरीजमधून प्रेमाचं एक अल्लड नातं उलगडणाऱ्या सायली आणि विशालचे प्रेमबंध प्रेक्षकांना आवडू लागले आहे. मुख्य नायक आणि नायिकेच्या भूमिका आरती बिराजदार आणि अक्षय खैरे यांनी साकारल्या आहेत.
या प्रदर्शित झालेल्या वेबसिरीज मध्ये सायली आणि विशालच्या नात्यात एक नवा ट्विस्ट पाहायला मिळणार आहे. तो ट्विस्ट आहे सायलीचा आतेभाऊ. या नव्या ट्विस्टमुळे सायली आणि विशालच्या नात्याचे बंध किती घट्ट होतील, तसेच त्यांचे नाते कोणत्या निर्णायक वळणार पोहोचेल हे वेबसिरीजचे आगामी भाग सांगतील. ‘सुंदरी’ मालिकेतील कर्तबगार आणि कर्तव्यनिष्ठ कलेक्टरची भूमिका साकारल्यानंतर आरती आता ‘पाऊस’च्या निमित्ताने ग्रामीण भागातील एका गावातल्या साध्या मुलीची भूमिका साकारत आहे.
या सीरिजमध्ये आरतीला अभिनेता अक्षय खैरेची साथ मिळाली आहे. अक्षय खैरेसुद्धा आजवर अनेक मालिकांमधून विविध भूमिकांमधून प्रेक्षकांच्या भेटीला आला आहे. ‘पाऊस’ ही सीरिज आरती आणि अक्षय या मुख्य दोन भूमिकांबद्दल असली तरी या सीरिजमध्ये इतर अनेक लोकप्रिय कलाकार आहेत. या सीरिजमध्ये ‘देवमाणूस’ या गाजलेल्या मालिकेतल्या सरू आजी म्हणजेच ज्येष्ठ अभिनेत्री रुक्मिणी सुतार देखील काम करत आहेत. त्यामुळे ‘पाऊस’ या सीरिजसाठी आणि या सीरिजमधील कलाकारांच्या आगामी भूमिकेबद्दल चाहत्यांमध्ये उत्सुकता पाहायला मिळत आहे.
हे देखील वाचा- मकरंद अनासपुरेंचा नवा सिनेमा येतोय, ‘मूषक आख्यान’ दिवाळीत करणार जबरदस्त धमाका
‘पाऊस’ची कथा आणि दिग्दर्शन हे ‘आठवी-अ’चे नितीन पवार यांनी केले आहे. या नवीन सीरिजच्या निर्मितीची जबाबदारी शौरीन दत्ता यांनी घेतली आहे. तर या सीरिजच्या क्रिएटीव्ह आणि प्रोजेक्ट हेड अंकिता लोखंडे आहेत. प्रेम, पाऊस आणि सायली-विशालच्या नात्यातील गोडवा तसेच दुरावा ‘पाऊस या सीरिजमधून अनुभवा दर सोमवार आणि गुरुवारी दुपारी १.३० वाजता ‘इट्स मज्जा’ या युट्यूब वाहिनीवर दाखवण्यात येणार आहे.
.png "Videos"){kind=small}
