“…तर त्याचो मुळापासून नायनाट कर रे महाराजाsss! ‘दशावतार’ चित्रपटाचा गूढ टिझर प्रदर्शित

मराठी चित्रपटसृष्टीत अनेक दर्जेदार चित्रपट येत आहेत. अशातच आता 'दशावतार' या मराठी चित्रपटाचा टिझर प्रदर्शित झाला आहे. यामध्ये अनेक दर्जेदार कलाकारांची झलक पाहायला मिळाली आहे.

• दशावतार मराठी चित्रपटाचा टिझर प्रदर्शित
• टीझरमध्ये दमदार कलाकारांची मांदियाळी
• कोकणातील दशावतारावर बेतलेला सिनेमा

मराठी सिनेसृष्टीत वेगवेगळ्या विषयांवर चित्रपट प्रदर्शित होत असतात. असाच एक आगळा वेगळा सिनेमा म्हणजे ‘दशावतार’. नुकताच या चित्रपटाचा टिझर प्रदर्शित झाला आहे. कोकणातील दशावताराची गोष्ट सांगणारा हा चित्रपट मराठीतील कांतारा ठरणार असे बोलले जात आहे. गेल्या काही महिन्यांपासून या चित्रपटाची चर्चा सुरु होती. यात जेष्ठ कलाकार दिलीप प्रभावळकर मुख्य भूमिकेत असणार हे सर्वांनाच ठाऊक होते. मात्र, त्यांच्या व्यतिरिक्त कोणते कलाकार या चित्रपट दिसणार याबाबत प्रश्न उपस्थित होत होते. नुकतेच रिलीज झालेल्या टीझरमधून या प्रश्नाचे उत्तर मिळाले आहे.

‘स्टार परिवार’ रक्षाबंधन धमक्यात साजरी करण्यासाठी सज्ज, ‘बहन का ड्रामा, भाई का स्वॅग’ सर्व दिसणार एकत्र

‘दशावतार’ मध्ये कोणते कलाकार झळकणार?

झी स्टुडिओज प्रस्तुत आणि ओशन फिल्म कंपनी व ओशन आर्ट हाऊस निर्मित या चित्रपटात मराठी सिनेमा जगताचे दिग्गज आणि अत्यंत कुशल कलाकार एकत्र आले आहेत. टिझरमध्ये दिलीप प्रभावळकर, महेश मांजरेकर, भरत जाधव, विजय केंकरे, सुनील तावडे, रवी काळे, सिद्धार्थ मेनन, प्रियदर्शिनी इंदलकर आणि अभिनय बेर्डे यांसारख्या दमदार कलाकारांचा समावेश आहे, ज्यांनी चित्रपटाच्या टिझरमध्ये आपली चमक दाखवली आहे.

‘Coolie’ की ‘War 2’ ॲडव्हान्स बुकिंगमध्ये कोण आहे पुढे? १४ ऑगस्टला बॉक्स ऑफिसवर होणार मोठी टक्कर

दमदार टिझर !

टीझरच्या सुरवातीलाच महेश मांजरेकर यांच्या आवाजातील गाऱ्हाणं प्रेक्षाकांना ऐकायला मिळत आहे. या टीझरमध्ये काही गूढ प्रसंग देखील पाहायला मिळत आहे. यावरून या सिनेमात प्रेक्षकांना काय अनुभवायला मिळणार याबाबत उत्सुकता लागली आहे. काहींनी तर याला मराठी चित्रपटसृष्टीतील कांतारा असे म्हंटले आहे.