शाहरुख खान आणि गौरी खानविरुद्ध समीर वानखेडेने तक्रार केली दाखल, ‘बॅड्स ऑफ बॉलीवूड’ संबंधित प्रकरण

समीर वानखेडे यांनी रेड चिलीज आणि शाहरुख खानची पत्नी गौरी खान यांच्याविरुद्ध खटला दाखल केला आहे. 'बँड्स ऑफ बॉलीवूड' सिरीज संबंधित हे आरोप करण्यात आले आहे. हे संपूर्ण प्रकरण काय आहे जाणून घेऊ.

• शाहरुख खान आणि गौरी खानविरुद्ध समीर वानखेडेची तक्रार
• ‘बॅड्स ऑफ बॉलीवूड’ सिरीज संबंधित प्रकरण
• प्रतिष्ठा खराब केल्याचे आरोप

एक्स एनसीबी अधिकारी समीर वानखेडे यांनी शाहरुख खान आणि त्याची पत्नी गौरी खान, रेड चिलीज यांच्याविरुद्ध दिल्ली उच्च न्यायालयात खटला दाखल केला आहे, ज्यामध्ये आर्यन खानच्या “द बॅड्स ऑफ बॉलीवूड” या वेब सिरीजमध्ये त्यांना नकारात्मक पद्धतीने दाखवण्यात आल्याचा आरोप करण्यात आला आहे. हे संपूर्ण प्रकरण काय आहे हे आपण आता जाणून घेणार आहोत.

धनंजय पोवारचा प्रणितला पाठिंबा: “११ कोटी मराठी लोक तुझ्या पाठीशी आहेत, प्रणित तू फक्त लढ”

प्रतिष्ठा खराब केल्याचे आरोप
समीर वानखेडे हे एनसीबी मुंबईचे एक्स झोनल डायरेक्टर होते. रेड चिलीज ही शाहरुख खान आणि गौरी खान यांच्या मालकीची कंपनी आहे. समीरने रेड चिलीज, स्ट्रीमिंग प्लॅटफॉर्म नेटफ्लिक्स आणि इतरांविरुद्ध दिल्ली उच्च न्यायालयात मानहानीचा खटला दाखल केला आहे. रेड चिलीजच्या “द बॅड्स ऑफ बॉलीवूड” या मालिकेत त्यांची प्रतिष्ठा खराब करण्याच्या उद्देशाने खोटे, दुर्भावनापूर्ण आणि बदनामीकारक मजकूर असल्याचा त्यांचा आरोप आहे. “द बॅड्स ऑफ बॉलीवूड” हे आर्यन खान यांनी दिग्दर्शित केले आहे. ही सिरीज नुकतीच प्रदर्शित झाली आणि नेटफ्लिक्सवर प्रसारित होत आहे.

काहीतरी खास घेऊन येत आहे ‘स्त्री’, ट्रेलर आधी निर्मात्यांनी ‘थामा’चे नवीन पोस्टर केले रिलीज

‘द बॅड्स ऑफ बॉलीवूड’मध्ये एक संबंधित दृश्य दाखवण्यात आले
आर्यन खानच्या नुकत्याच प्रदर्शित झालेल्या “द बॅड्स ऑफ बॉलीवूड” या शोच्या एका भागात माजी एनसीबी अधिकारी समीर वानखेडे यांच्यावर टीका करण्यात आली आहे. समीर वानखेडे हे एनसीबी अधिकारी आहे ज्याने क्रूझ पार्टी प्रकरणात आर्यन खानला अटक केली होती. या मालिकेत समीर वानखेडेसारखे दिसणारे एक पात्र आहे, जो एनसीबी अधिकाऱ्याची भूमिकाही साकारताना दिसला आहे. या मालिकेत एका एनसीबी अधिकाऱ्याने बॉलीवूड पार्टीवर छापा टाकल्याचे दाखवण्यात आले होते. या अधिकाऱ्याचे वर्तन आणि दिसणे समीर वानखेडेसारखेच होते. आता या सगळ्यामुळे ‘द बॅड्स ऑफ बॉलीवूड’ सिरीज धोक्यात आली आहे.