पार्श्वगायक जावेद अली ‘मोहम्मद रफी पुरस्कार 2024’ चे मानकरी; राज्यपालांच्या हस्ते करण्यात आला गौरव

पार्श्वगायक जावेद अली यांना ‘मोहम्मद रफी पुरस्कार २०२४’ ने गौरविण्यात आले तर चित्रपट सृष्टीमधील लोकप्रिय गीतकारांपैकी एक असलेल्या मजरुह सुलतानपुरी यांना या वर्षीचा ‘मोहम्मद रफी जीवनगौरव पुरस्कार देण्यात आला.

Follow Us:

Follow Us:

महाराष्ट्राचे राज्यपाल सी. पी. राधाकृष्णन यांच्या हस्ते  वांद्रे येथील रंगशारदा सभागृहात आयोजित कार्यक्रमात १९ व्या ‘मोहम्मद रफी’ पुरस्काराचे वितरण करण्यात आले. ‘स्पंदन आर्ट’ संस्थेतर्फे ‘मोहम्मद रफी’ पुरस्काराचे वितरण कार्यक्रमाचे आयोजन करण्यात आले.  हिंदीसह बंगाली, कन्नड, मल्याळम, मराठी, ओडिया, तामिळ, तेलगू, उर्दू अशा विविध प्रादेशिक भाषांमध्ये पार्श्वगायन करणाऱ्या जावेद अली यांना ‘मोहम्मद रफी पुरस्कार २०२४’ ने गौरविण्यात आले तर चित्रपट सृष्टीमधील आघाडीच्या व सर्वात लोकप्रिय गीतकारांपैकी एक असलेल्या मजरुह सुलतानपुरी यांना या वर्षीचा ‘मोहम्मद रफी जीवनगौरव पुरस्कार’ (मरणोत्तर) दिला गेला.  राज्यपाल श्री. राधाकृष्णन यांच्या हस्ते या पुरस्कारांचे वितरण करण्यात आले. संगीत ही कला जात, धर्म, पंथ, भाषा या पलिकडे जाऊन माणसाला जोडण्याचे काम करते, असे प्रतिपादन राज्यपाल सी. पी. राधाकृष्णन यांनी यावेळी केले.

“एकोणवीस वर्ष झाली आमचा सांता जाऊन…”, प्रसिद्ध टेलिव्हिजन अभिनेत्याची वडिलांच्या आठवणीत भावूक पोस्ट

मजरुह सुलतानपुरी यांचा जीवनगौरव पुरस्कार त्यांचे पुत्र अंदलिब मजरुह सुलतानपुरी यांनी स्वीकारला. एक लाख रुपये व स्मृतीचिन्ह असे जीवनगौरव पुरस्काराचे स्वरूप असून, ५१ हजार रुपये व स्मृतीचिन्ह असे ‘मोहम्मद रफी पुरस्कारा’चे स्वरूप आहे. याकार्यक्रमाला माहिती तंत्रज्ञान व सांस्कृतिक कार्य मंत्री ॲड. आशिष शेलार, ॲड. प्रतिमा शेलार तसेच मोहम्मद रफी, मजरुह सुलतान पुरी व जावेद अली यांचे कुटुंबीय व संगीत प्रेमी उपस्थित होते.

यावेळी ‘फिर रफी’ या बहारदार मैफिलीत प्रसिद्ध गायक श्रीकांत नारायण यांनी मोहम्मह रफी यांची अजरामर गाणी सादर केली.

जावेद अली यांची गाजलेली गाणी 

त्यांच्या इतर गाजलेल्या गाण्यांमध्ये   गझनीमधील गुजारीश, रांझनातील “तुम तक”  रॉकस्टारमधील “कुन फया कुन”, अजब प्रेम की गज़ब कहानी चित्रपटातील  “आ जाओ मेरी तमन्ना”,  तुम मिले मधील “तू ही हकीकत”,  जब तक जान या चित्रपटातील शीर्षकगीत,  राझ ३ मधील “दीवाना कर रहा है”, इश्कझादे  चित्रपटातील इश्कजादे शीर्षक गीत, दावत-ए. -इश्क चित्रपटाचा टायटल ट्रॅक,  जब वी मेट चित्रपटातील ‘नगाडा नगाडा’, बजरंगी भाईजानचे ‘तू जो मिला’, इत्यादी गाण्यांचा समावेश होतो.

मजरुह सुलतानपुरी यांचे गीतकार म्हणून लोकप्रिय चित्रपट

तुमसा नहीं देखा , दिल देके देखो, फिर वही दिल लया,  तीसरी मंजिल, बहार के सपने, प्रेम का मौसम, कारवां (गीत पिया तू अब तो आजा), यादों की बारात, हम किसी से कम नहीं,ज़माने को दिखाना है,  कयामत से कयामत तक, जो जीता वोही सिकंदर, अकेले हम अकेले तुम, कही हा कही ना अशा असंख्य चित्रपटांचा समावेश होतो.

“निळुभाऊंच्या नावाच्या पुरस्कारासारखं दुसरं सुख नाही…” निळू फुलेंच्या नावाने पहिला पुरस्कार जाहीर झाल्यानंतर किरण मानेंची पोस्ट

Web Title: Playback singer javed ali wins mohammad rafi award 2024

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com