राहुल राज सिंहने केला काम्या पंजाबीवर मानहानीचा दावा (फोटो सौजन्य - Instagram)
दिवंगत अभिनेत्री प्रत्युषा बॅनर्जीचा एक्स प्रियकर राहुल राज सिंहने काम्या पंजाबीवर निशाणा साधला आहे. त्याने काम्यावर त्याचे करिअर उद्ध्वस्त केल्याचा आरोप केला आहे. एका दीर्घ निवेदनात राहुल म्हणाला की काम्या पंजाबी आणि निर्माती नीरू शाह गेल्या ३ महिन्यांपासून न्यायालयात हजर राहत नाहीत असे सांगितले असून तो म्हणाला, “मी गेल्या ८ वर्षांपासून एकट्यानेच ही लढाई लढत आहे. जेव्हा ही दुर्दैवी घटना घडली तेव्हा संपूर्ण जग माझ्याविरुद्ध गेले, तर माझ्याविरुद्ध कोणताही पुरावा नव्हता.”
राहुल राज सिंहने पुढे सांगितले की, “हे सर्व तेव्हा सुरू झाले जेव्हा काही लोकांनी चॅनेल्समध्ये चुकीच्या गोष्टी पसरवायला सुरुवात केली की प्रत्युषा आत्महत्या करू शकत नाही आणि ती एक हत्या होती. या लोकांनी त्यांच्या दोन मिनिटांच्या लोकप्रियतेसाठी ही कहाणी रचली आणि हत्येची कहाणी बनवली, ज्यामुळे माझे आयुष्य कायमचे उद्ध्वस्त झाले. मी गेल्या ८ वर्षांपासून या प्रकरणाशी संबंधित कायदेशीर बाबींशी झुंजत आहे आणि माझे दुःख आणि त्रास फक्त मलाच माहीत आहे. कायदेशीर लढाईपासून ते मानसिक आरोग्य आणि कौटुंबिक समस्यांपर्यंत, मी सर्व काही सहन केले आहे.”
काम्यावर आरोप
राहुल राज सिंहने पुढे प्रत्युषाच्या मृत्यूमुळे काम्या पंजाबीला लोकप्रियता मिळाल्याचा आरोप केला. त्याने म्हटले की, “काम्या पंजाबी आणि निर्मात्या नीरू शाह यांना त्यांच्या लघुपटाला प्रत्युषाच्या मृत्यूशी जोडण्याचा कोणताही अधिकार नव्हता. पण तिचा मृत्यू ही त्यांच्या लघुपटाची जाहिरात आणि मार्केटिंग करण्याची संधी आहे हे लक्षात येताच त्यांनी माध्यमांमध्ये माझ्याबद्दल चुकीचे बोलण्यास सुरुवात केली.”
राहुल राज सिंहने पुढे सांगितले की, “मी पुरेसा त्रास सहन केला आहे आणि मी बरोबर आहे हे मला माहित असल्याने, मी काम्या आणि नीरू विरुद्ध तसेच गुगल आणि यूट्यूब सारख्या थर्ड पार्टी प्लॅटफॉर्मवर १ कोटी रुपयांचा मानहानीचा खटला दाखल केला आहे. मी सर्वांना सांगतो की गेल्या ३ महिन्यांपासून काम्या आणि नीरू दोघीही या प्रकरणात न्यायालयात हजर राहत नाहीत आणि जेव्हा जेव्हा माननीय न्यायाधीश तारीख देतात तेव्हा त्या गायब होतात.”
मराठमोळ्या Riteish Deshmukh ने गमावली मोठ्या भावाइतकी जवळची व्यक्ती, शेअर केली भावनिक पोस्ट
७ वर्षात कोणतेही पुरावे नाहीत
याशिवाय राहुलने काम्या आणि नीरू यांना त्यांच्याविरुद्धचे दावे सिद्ध करण्यासाठी पुरावे सादर करण्याचे आणि न्यायालयीन सुनावणीला उपस्थित राहण्याचे आव्हान दिले. तो म्हणाला, “फक्त लोकप्रियतेसाठी दुसऱ्याच्या वेदना आणि दुःखाचा फायदा घेणे सोपे आहे. पण पुरावे कुठे आहेत? त्यांनी इतके मोठे दावे केले आणि ७ वर्षांत एकही पुरावा सादर करू शकले नाहीत? एकतर ते त्यांचे दावे सिद्ध करण्यासाठी पुरावे सादर करतील नाहीतर माझे आयुष्य उद्ध्वस्त केल्याबद्दल तुरुंगवास भोगतील.”
कोणत्या कलमांखाली केला दावा
‘बालिका वधू’ या लोकप्रिय मालिकेत आनंदीची भूमिका साकारून प्रत्युषा बॅनर्जी घराघरात प्रसिद्ध झाली. तथापि, १ एप्रिल २०१६ रोजी तिने आत्महत्या केल्याचे सांगण्यात येते. तिच्या मृत्यूनंतर तिच्या पालकांनी राहुल सिंगविरुद्ध तक्रार दाखल केली. त्याच्यावर भारतीय दंड संहितेच्या (IPC) कलम ३०६ (आत्महत्येस प्रवृत्त करणे), ५०४ (जाणीवपूर्वक अपमान करणे), ५०६ (गुन्हेगारी धमकी देणे) आणि ३२३ (स्वेच्छेने दुखापत करणे) अंतर्गत गुन्हा दाखल करण्यात आला.
२०२३ मध्ये, मुंबई सत्र न्यायालयाने राहुल राज सिंगची डिस्चार्ज याचिका फेटाळून लावली. याचिकेत त्याने दावा केला की “वैयक्तिक सूडबुद्धी” मुळे त्याला या प्रकरणात खोटेपणाने गुंतवण्यात आले आहे. तथापि, न्यायालयाने म्हटले की राहुलकडून शारीरिक, भावनिक आणि आर्थिक छळ आणि शोषणामुळे प्रत्युषा नैराश्यात गेली होती हे प्रथमदर्शनी स्पष्ट झाले आहे.
Katrina Kaif Birthday: दर 2 वर्षांनी कतरिनाला का देश बदलावा लागत होता, मुंबईत एका क्षणात पालटले नशीब
.png "Videos"){kind=small}
