रहस्य, रोमांच आणि हॉररने भरलेल्या Aghathiyaa-Angels Vs Devil चा मोशन पोस्टर रिलीज, लूकने वेधलं लक्ष

रहस्य, फॅन्टसी, हॉरर आणि रोमांचने भरलेल्या चित्रपट 'अगथिया'चा मोशन पोस्टर निर्माते अनीश अर्जुन देव आणि डॉ. इशारी के. गणेश यांनी सोशल मीडियावर रिलीज केला आहे.

रहस्य, फॅन्टसी, हॉरर आणि रोमांचने (Mystery, Fantasy, Horror And Thriller) भरलेल्या चित्रपट ‘अगथिया’चा मोशन पोस्टर निर्माते अनीश अर्जुन देव आणि डॉ. इशारी के. गणेश यांनी सोशल मीडियावर रिलीज केला आहे. वाइड अँगल मीडियाच्या सहकार्याने डॉ. इशारी के. गणेश यांनी सादर केलेल्या या चित्रपटाचे लेखन आणि दिग्दर्शन पी. ए. विजय यांनी केले आहे. चित्रपटासाठी संगीत सुप्रसिद्ध संगीतकार युवान शंकर राजा यांनी दिले असून, सर्व गाणी स्वतः दिग्दर्शक पी. ए. विजय यांनी लिहिली आहेत.

अल्लू अर्जुनशी संबंधित प्रकरणात पोलिसांचा इशारा, चुकीची व्हिडिओ-माहिती पसरवणाऱ्यांवर होणार कारवाई!

चित्रपटाच्या नावाप्रमाणेच ‘अगथिया’चा मोशन पोस्टरही रहस्यमय आणि थरारक वाटतो. पोस्टरच्या सुरुवातीला जुनी घड्याळे, त्यातील यंत्रे आणि मशीनरीसारख्या आकृती दाखवण्यात आल्या आहेत. या दृश्यांमधून ‘अगथिया’ असे अँटिक स्टाईलमध्ये नाव समोर येते, ज्यासोबत ‘एंजल वर्सेस डेविल’ असे सब हेडलाइन दिसते. हे सब हेडलाइन तमिळ, तेलुगु, हिंदी आणि इंग्रजी भाषांमध्ये बदलत जाते.

पोस्टरच्या शेवटी एक भयानक दृश्य दाखवले आहे, ज्यामध्ये जादूगारासारख्या कपड्यांमध्ये एक व्यक्ती, ज्याचे चेहरा जळत्या आगीसारखा आहे, मोठी ऑप्टिकल रॉड हातात धरून भीतीदायक पद्धतीने फिरवताना दिसतो. मोशन पोस्टर केवळ रहस्यमय नसून अनेक प्रश्न निर्माण करते, ज्यांची उत्तरं प्रेक्षकांना चित्रपटाच्या प्रदर्शनानंतरच मिळतील.

चित्रपटाचे निर्माते अनीश अर्जुन देव आणि डॉ. इशारी के. गणेश म्हणाले, “ही फॅन्टसी हॉरर आणि थ्रिलर चित्रपट एका तरुण आर्ट डायरेक्टरच्या संघर्षाची कथा सांगतो. तो एका जुन्या कॅमेऱ्याच्या मदतीने १९४० च्या काळात पोहोचतो आणि इतिहासातील अनेक गुपितांचा शोध घेण्याचा प्रयत्न करतो. या चित्रपटात ब्रिटिश राजवटीच्या दृश्यांमुळे प्रेक्षकांना अनोखा अनुभव मिळेल. चित्रपटाचे चित्रीकरण पूर्ण झाले असून, लवकरच त्याचा टीझर आणि ट्रेलर रिलीज केला जाईल.”

डॉ. गणेश यांनी याआधीही अनेक यशस्वी चित्रपटांची निर्मिती केली आहे. ‘अगथिया – एंजल वर्सेस डेविल’ हा महत्वाकांक्षी चित्रपट तमिळ, तेलुगु आणि हिंदी या तीन भाषांमध्ये मोठ्या प्रमाणावर प्रदर्शित केला जाणार आहे. प्रेक्षक या चित्रपटाचा थरारक अनुभव येत्या ३१ जानेवारी २०२४ रोजी घेऊ शकतील.

सूरज चव्हाणच्या ‘झापूक झुपूक’ चित्रपटाचा मुहूर्त पार पडला, दिग्दर्शकांसह अख्ख्या स्टारकास्टचा फोटो पाहिलात का?