अल्लू अर्जुनशी संबंधित प्रकरणात पोलिसांचा इशारा, चुकीची व्हिडिओ-माहिती पसरवणाऱ्यांवर होणार कारवाई!

'पुष्पा 2' चित्रपटाचा अभिनेता अल्लू अर्जुनच्या अडचणीत नुकतीच संध्या थिएटरमध्ये झालेल्या चेंगराचेंगरीप्रकरणी चौकशी करण्यात आली. आता या प्रकरणाशी संबंधित चुकीचे व्हिडीओ आणि माहिती पसरवणाऱ्यांवरही कारवाई करण्यात येणार आहे.

फोटो सौजन्य - Social media

Follow Us:

Follow Us:

संध्या थिएटर चेंगराचेंगरीच्या घटनेबाबत चुकीची माहिती पसरवणाऱ्या किंवा सोशल मीडियावर दिशाभूल करणारे व्हिडिओ पोस्ट करणाऱ्यांवरही कारवाई करण्यात येईल, असा इशारा हैदराबाद पोलिसांनी बुधवारी दिला आहे. पोलिसांनी त्यांच्या ट्विटर अकाऊंटवरील पोस्टमध्ये म्हटले आहे की त्यांच्या लक्षात आले आहे की, काही लोकांनी 4 डिसेंबर रोजी अभिनेता अल्लू अर्जुन थिएटरमध्ये येण्यापूर्वी चेंगराचेंगरी झाल्याचा दावा करणारे खोटे व्हिडिओ पोस्ट केले होते. आणि त्यामुळेच ही गर्दी वाढली.

Allu Arjun: ‘अल्लू अर्जुनचे चित्रपट राज्यात चालू देणार नाही’; आमदार भूपती रेड्डी यांचा अभिनेत्यावर निशाणा!

सोशल मीडियावर खोटा दावा
अल्लू अर्जुनच्या आगमनापूर्वी चेंगराचेंगरी झाल्याचा दावा करत काही लोकांनी मुद्दाम सोशल मीडियावर व्हिडिओ पोस्ट केल्याचे पोलिसांचे म्हणणे आहे. हैदराबाद पोलिसांचे म्हणणे आहे की, ‘प्रकरणाच्या तपासादरम्यानही जाणूनबुजून चुकीची माहिती पसरवणाऱ्यांवर आम्ही कायदेशीर कारवाई करू.’ असे पोलिसांनी सांगितले आहे.

अफवांवर विश्वास ठेवू नये ही विनंती
कोणतीही खोटी बातमी ते गांभीर्याने घेतील असेही पोलिसांनी सांगितले. लोकांनी अफवांवर विश्वास ठेवू नये, असे आवाहनही पोलिसांनी केले आहे. याशिवाय या प्रकरणाशी संबंधित कोणाकडे योग्य पुरावे किंवा माहिती असल्यास ते पोलिसांना देऊ शकतात, अशी विनंतीही करण्यात आली आहे. तसेच या खोट्या बातम्या आणि व्हिडीओ पसरवल्यामुळे आणखी मोठी अडचण निर्माण झाली.

Pushpa 2: चेंगराचेंगरीत जखमी झालेल्या आठ वर्षाच्या मुलाची तब्येत आता कशी? वडिलांनी दिली माहिती!

काय आहे संपूर्ण प्रकरण
4 डिसेंबर रोजी, ‘पुष्पा 2’ प्रदर्शित होत असलेल्या हैदराबादमधील संध्या थिएटरमध्ये चेंगराचेंगरीत एका 35 वर्षीय महिलेचा मृत्यू झाला. यावेळी थिएटरच्या दुसऱ्या मजल्यावर अभिनेता अल्लू अर्जुनही उपस्थित होता. या घटनेत महिलेचा आठ वर्षांचा मुलगाही गंभीर जखमी झाला असून मुलाला रुग्णालयात दाखल करण्यात आले आहे. या घटनेनंतर पोलिसांनी अल्लू अर्जुनविरुद्ध गुन्हा दाखल केला. या प्रकरणात अभिनेता अल्लू अर्जुनलाही अटक करण्यात आली होती, अभिनेत्याने एक संपूर्ण रात्र तुरुंगात काढली आणि त्यानंतर त्याला जामीन मिळाला. अलीकडेच पोलिसांनी या प्रकरणी अभिनेत्याची तीन तास चौकशी केली.

Web Title: Puspa 2 actor allu arjun theatre stampede case police warn action against misleading information

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com