मराठी ऐतिहासिक सिनेमा (Historic Cinema) ‘शेर शिवराज’ (Sher Shivraj) आता जगभरातील प्रेक्षकांना घरबसल्या अमेझॉन प्राइम व्हिडिओवर पाहता येणार आहे. दिग्पाल लांजेकर (Digpal Lanjekar) लिखित आणि दिग्दर्शित हा भव्य चित्रपट शिवाजी महाराजांच्या काळातील एक महत्त्वाच्या अध्यायावर आधारित आहे. हा सिनेमा शिवराज अष्टकातील फर्जंद, फत्तेशिकस्त आणि पावनखिंड यांच्यानंतरचा चौथा सिनेमा आहे.
the story of the mightiest ruler ?#SherrShivraajOnPrime, watch now! pic.twitter.com/Yyk9ecPTCu — amazon prime video IN (@PrimeVideoIN) May 30, 2022
शेर शिवराजमध्ये या महान मराठी राजाच्या आयुष्यातील सर्वात मोठ्या आणि धाडसी प्रसंगाचा लेखाजोखा मांडण्यात आला आहे. महाराष्ट्र आदिलशाहीच्या शासनाखाली चिरडून निघत होता, तेव्हा छत्रपती शिवाजी महाराज यांनी आपलं असामान्य बुद्धी चातुर्य आणि धाडसाच्या जोरावर अफझल खानला हरवलं. चिन्मय मांडलेकर यांनी या सिनेमात शिवाजी महाराजांची भूमिका केली असून मुकेश ऋषी बलशाली अफझल खानच्या भूमिकेत आहेत.
मुंबई मुव्ही स्टुडिओजचे निर्माते नितिन केणी म्हणाले, “जगभरातील प्रेक्षकांना शेर शिवराज उपलब्ध करून देण्यासाठी अमेझॉन प्राइम व्हिडिओसह भागिदारी करताना आम्हाला अतिशय आनंद होत आहे. आम्हाला खात्री आहे, थिएटरमध्ये प्रेक्षकांचं जसं प्रेम या सिनेमाला मिळालं तसंच इथेही मिळेल.”
दिग्दर्शक दिग्पाल लांजेकर म्हणाले, “शिवाजी महाराज हे भारतातील सर्वात महान राजांपैकी एक होते आणि त्यांचं आयुष्य अविस्मरणीय आणि ऐतिहासिकदृष्ट्या महत्त्वाच्या घटनांनी भरलेलं आहे. अमेझॉन प्राइम व्हिडिओशी सहकार्य केल्याचा मला खूप आनंद होत आहे, कारण त्यांच्या मदतीने आम्ही केवळ मराठी प्रेक्षकांपर्यंत नाही, तर जगभरातील इतिहास प्रेमींपर्यंत पोहोचू.”
[read_also content=”एका लग्नाची वेगळी गोष्ट – इंग्लंडच्या महिला क्रिकेटपटू नताली स्किवर आणि कॅथरिन ब्रंट अडकल्या विवाहबंधनात https://www.navarashtra.com/gallery/natalie-sciver-katherine-brunt-marriage-photos-nrsr-286868/”]
मुंबई मुव्ही स्टुडिओजचे नितिन केणी, प्रद्योत पेंढारकर आणि राजवारसा प्रॉडक्शनचे अनिल नारायणराव वानखेडे आणि दिग्पाल लांजेकर आणि मुळाक्षरचे चिन्मय मांडलेकर यांनी शेर शिवराजची निर्मिती केली आहे. चिन्मय मांडलेकर आणि मुकेश ऋषी यांच्याशिवाय सिनेमाच्या कास्टमध्ये मृणाल कुलकर्मी, अजय पुरकर, बिपिन सुर्वे, रोहन मंकणी यांचा समावेश आहे. हा भव्य ऐतिहासिक सिनेमा आता अमेझॉन प्राइम व्हिडिओच्या माध्यमातून भारत आणि २४० देशांत उपलब्ध करण्यात आला आहे.
