चवीबरोबरच घ्या आरोग्याचीही काळजी… घरी बनवा स्वादिष्ट मसाला ओट्स; चव अशी की पदार्थाचे फॅनच व्हाल

Masala Oats Recipe : वाढलेले वजन कमी करण्यासाठी चवीसोबत कॉम्प्रमाइझ करण्याची काहीच गरज नाही. आता घरीच बनवा चविष्ट आणि लज्जतदार असे मसाले ओट्स. घरच्या घरी तयार होणारी सोपी रेसिपी.

(फोटो सौजन्य: Pinterest)

Follow Us:

Follow Us:

वजन कमी करण्यासाठी आहारात जास्तीत जास्त फायबर, प्रोटीन आणि कमी कॅलरी असलेले पदार्थ असणे गरजेचे असते. ओट्समध्ये विद्रव्य फायबर (soluble fiber) असल्यामुळे पोट जास्त वेळ भरल्यासारखे वाटते आणि अनावश्यक भूक लागत नाही. भाज्यांचा समावेश केल्याने जीवनसत्त्वे, खनिजे आणि अँटिऑक्सिडंट्स मिळतात. तेल न वापरता भाजलेले हे चिले केवळ हलके नाही तर खूप चविष्टही लागतात.

वेट लॉससाठी घरी बनवा Cucumber Salad; सेलिब्रिटींच्याही आवडीची आहे डिश

ओट्सपासून बनवलेले चिले (पिठल्या सारखे पॅनकेक) हे चविष्ट तर लागतातच पण त्यात भाज्यांचा समावेश केला तर ते अधिक पौष्टिक बनतात. सकाळच्या नाश्त्यासाठी, शाळेत जाणाऱ्या मुलांच्या डब्यासाठी किंवा दुपारच्या हलक्या जेवणासाठी हा एकदम परफेक्ट पर्याय आहे. त्यात तेल खूप कमी लागते आणि तळण्याऐवजी भाजून केले जाते, त्यामुळे आरोग्यदायी ठरते. चला तर मग लगेच जाणून घेऊयात यासाठी लागणारे साहित्य आणि कृती.

साहित्य

• ओट्स – १ कप (जाडसर पूड करून घ्या)
• बेसन – २ टेबलस्पून (बांधणीसाठी)
• लो-फॅट दही / ग्रीक योगर्ट – २ टेबलस्पून
• कांदा – १ बारीक चिरून
• गाजर – १ मध्यम किसलेले
• टोमॅटो – १ लहान बारीक चिरलेला
• ढोबळी मिरची – २ टेबलस्पून
• पालकाची पानं – ½ कप बारीक चिरून
• हिरवी मिरची – १ बारीक चिरून
• कोथिंबीर – २ टेबलस्पून
• आलं-लसूण पेस्ट – १ टीस्पून
• मीठ – चवीनुसार
• लाल तिखट / मिरपूड – १ टीस्पून
• हळद – ¼ टीस्पून
• जिरे – ½ टीस्पून
• पाणी – आवश्यकतेनुसार

कृती

• यासाठी सर्वप्रथम ओट्स मिक्सरमध्ये टाकून जाडसर पूड करून घ्या.
• एका मोठ्या बाऊलमध्ये ओट्सची पूड, बेसन आणि दही घालून छान मिक्स करा.
• त्यात किसलेले गाजर, चिरलेला कांदा, टोमॅटो, ढोबळी मिरची, हिरवी मिरची आणि कोथिंबीर टाका.
• आता त्यात आलं-लसूण पेस्ट, हळद, मीठ, तिखट/मिरपूड आणि जिरे घालून सर्व मिश्रण मिक्स करा.
• थोडे थोडे पाणी घालत जाडसर पण ओतता येईल असे पीठ तयार करा.
• नॉनस्टिक तवा गरम करून त्यावर हलकेसे तेल लावा.
• एक पळीभर पीठ घालून गोलसर चिला पसरवा आणि दोन्ही बाजूंनी सोनेरी तपकिरी होईपर्यंत भाजून घ्या.
• सर्व चिले अशाच प्रकारे बनवून गरमागरम हिरव्या चटणी किंवा टोमॅटो केचपसोबत सर्व्ह करा.
• हवे असल्यास ओट्स चिल्यात पालक, बीट किंवा कॉर्नसारख्या भाज्याही घालता येतात.
• पिठात चिमूटभर ओवा घातल्यास पचनासाठी अजून फायदेशीर ठरते.

Web Title: How to make healthy and tasty masala oats at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com