संजय कपूर यांच्या निधनानंतर १०,३०० कोटींच्या संपत्तीचा वारसदार कोण? करिष्माच्या मुलांना काय मिळणार ?
उद्योगपती संजय कपूर यांच्या अकाली निधनाने मनोरंजन विश्वातून आणि उद्योग जगतातून हळहळ व्यक्त केली जाते आहे. जगातील आघाडीच्या ऑटो पार्ट्सची निर्मिती करणाऱ्या कंपनीचे ते मालक होते. ते ऑटो कंपोनंटची निर्मिती करणाऱ्या सोना कॉमस्टारचे अध्यक्ष होते. करिष्मा कपूरचे पूर्वाश्रमीचे पती संजय कपूर हे लोकप्रिय व्यक्तिमत्वांपैकी एक होते. त्यांच्या निधनाच्या बातमीनंतर त्यांच्या संपत्तीबद्दल आणि कंपनीच्या ३१,००० कोटी रुपयांचे व्यावसायिक साम्राज्य चर्चेत आले आहे. 2015 साली त्यांच्या वडिलांचे निधन झाले, त्यानंतर संजय यांनीच सर्व कारभार सांभाळला आणि कंपनी एका वेगळ्या स्तरावर नेऊन ठेवली.
अहमदाबाद विमान दुर्घटनेनंतर लोकप्रिय संगीतकार बेपत्ता, शेवटचं लोकेशन फक्त ७०० मीटर दूर; पण…
त्यांच्यामुळेच सोना कॉमस्टार जगातील टॉप ऑटो कंपोनंट कंपन्यांपैकी एक आहे. ब्लूमबर्गने दिलेल्या वृत्तानुसार, संजय यांच्या कंपनीचे बाजार मूल्य सुमारे ३१,००० कोटी रुपये (सुमारे ४ अब्ज डॉलर्स) आहे. परंतु संजय कपूर यांच्या निधनाच्या बातमीनंतर, बिझनेस टुडेने दिलेल्या वृत्तानुसार, शुक्रवारी बाजार उघडताच कंपनीचे शेअर्स 7 टक्यांनी घसरले आहेत. आता त्यांच्या पश्चात या व्यवसायाचे काय होणार, असा सवाल उपस्थित होतो आहे. संजय यांच्या निधनानंतर कंपनीचे गुंतवणूकदार आणि भागीदारांमध्ये गोंधळ निर्माण झाला होता. त्यांना शांत करण्यासाठी सोना कॉमस्टारकडून एक निवेदन जारी करण्यात आले आहे.
सोशल मीडियावर हे निवेदन शेअर करताना असे नमूद करण्यात आले की, ‘आम्ही आमच्या ग्राहकांना, कर्मचाऱ्यांना आणि भागीदारांना खात्री देतो की त्यांच्या वारशाचा सन्मान करत सध्याचे कामकाज तसेच चालू राहील. सोना कॉमस्टारमध्ये त्यांनी नियोजित केलेल्या आमच्या ध्येयाला आणि मूल्यांना पुढे नेऊन त्यांचा वारसा जपण्यासाठी आम्ही वचनबद्ध आहोत.’ संजय यांची दुसरी पत्नी करिष्मा होती. संजय यांना करिष्मापासून समायरा (20) आणि कियान (14) अशी दोन मुले आहेत. तर संजय यांची तिसरी आणि सध्याची पत्नी असणाऱ्या प्रिया सचदेवला अझारियस (6) नावाचा मुलगा आहे. यांच्यापैकी कोणीही कंपनीचा भाग नसल्यामुळे, त्यांच्याकडे सध्या कंपनीची जबाबदारी जाईल याची शक्यता कमी आहे.
India.com च्या वृत्तानुसार, संजयच्या बहिणी कंपनीचे व्यवस्थापन करण्यासाठी पुढे येऊ शकतात, तर सध्याचे बोर्ड कामकाजाकडे लक्ष देईल. संजय यांच्या निधनानंतर फोर्ब्सने दिलेल्या वृत्तानुसार, संजय यांची एकूण संपत्ती 1.2 बिलियन डॉलर (10,300 कोटी रुपये) होती. त्यांची संपत्ती 2022 आणि 2024 या वर्षांमध्ये सर्वाधिक होती. जो आकडा 1.6 बिलियन डॉलर (13,000 कोटी रुपये) पर्यंत पोहोचला होता. हिंदुस्तान टाइम्सने दिलेल्या माहितीनुसार, त्यांच्या मालमत्तेचे व्यवस्थापन आता त्यांची पत्नी प्रिया सचदेव यांच्याकडे सोपवले जाईल.
मीडिया रिपोर्ट्समध्ये असेही नमुद करण्यात आले की, संजय यांनी त्यांच्या सर्व मुलांसाठी आधीच योजना आखून ठेवली होती. करिष्णा आणि संजय यांची मुलं- समायरा आणि कियान यांना संजय यांनी आधीच 14 कोटी रुपयांचे बाँड भेट दिले आहेत. याशिवाय, दोघांनाही प्रत्येकी दरमहा 10 लाख रुपये दिले जातील असे वृत्त आहे. मात्र, हेही लक्षात घेतले पाहिले की, संजय-करिष्माच्या मुलांना मिळणाऱ्या या आर्थिक सहाय्याबद्दल अधिकृत माहिती समोर आलेली नाही.
संजय यांनी 1996 मध्ये पहिले लग्न डिझायनर नंदिता महतानीशी केले होते. पण लग्नाच्या चार वर्षांनंतर २००० साली त्यांनी एकमेकांकडून घटस्फोट घेतला. त्यानंतर संजय यांनी 2003 साली बॉलिवूड अभिनेत्री करिष्मा कपूरसोबत लग्नगाठ केले. त्यांना समायरा आणि कियान नावाची दोन मुलेही आहेत 2016 साली त्यांचा घटस्फोट झाला, या घटस्फोटाची मोठी चर्चा झाली होती. 2017 साली संजयने मॉडेल आणि अभिनेत्री प्रिया सचदेवशी लग्न केले आणि दोघांना अझारियस नावाचा मुलगा आहे.
.png "Videos"){kind=small}
