बॉलिवूड अभिनेत्री तापसी पन्नू सध्या तिच्या आगामी ‘दोबारा’ चित्रपटामुळे खूप चर्चेत आहे. त्याच वेळी, अलीकडेच तिने मीडियाला दिलेल्या एका मुलाखतीतून तिच्या चाहत्यांचे लक्ष वेधून घेतले आहे. चित्रपट निर्माता करण जोहरच्या ‘कॉफी विथ करण’ या चॅट शोमध्ये तिला आमंत्रित न केल्यामुळे अभिनेत्रीने त्यावर वक्तव्य केलंय. तिच्या आगामी ‘दोबारा’ चित्रपटाच्या प्रमोशनल इव्हेंटमध्ये अभिनेत्रीने हा खुलासा केलायं.
त्यावेळी अनुराग कश्यपही तिच्यासोबत होता. त्याच वेळी, करण जोहर देखील तापसी पन्नूच्या शेजारी असलेल्या खोलीत त्याच्या ‘कॉफी विथ करण’ चॅट शोचे प्रमोशन करत होता. त्यावर मीडियाने तापसी पन्नूला विचारले की, तिला शोमध्ये का बोलावण्यात आले नाही. याला उत्तर देताना अभिनेत्री गंमतीने म्हणाली, “माझं लैंगिक जीवन ‘कॉफी विथ करण’ शोमध्ये आमंत्रित करण्याइतकं मनोरंजक नाही. तापसी पन्नूचे हे उत्तर सध्या खूप चर्चेत आहे.
करण जोहरच्या या शोमध्ये आतापर्यंत अनेक स्टार्स सहभागी झाले आहेत. ज्यामध्ये अक्षय कुमार, समांथा रूथ प्रभू, विजय देवरकोंडा, अनन्या पांडे, जान्हवी कपूर, सारा अली खान, रणबीर कपूर, रणवीर सिंग, करीना कपूर खान, कार्तिक आर्यन, क्रिती सेनन, आमिर खान आणि आलिया भट्ट हे सेलिब्रिटी करण जोहरसोबत बोलताना दिसलेत.
.png "Videos"){kind=small}
