Mangla Trailer- ॲसिड हल्ल्यातून बचावलेल्या सुप्रसिद्ध गायिकेचा कठीण प्रवास ‘मंगला’ चित्रपटातून उलगडणार

बरेच दिवसांपासून 'मंगला' चित्रपटाच्या टिझरची, गाण्यांची, पोस्टरची चर्चा सुरू असलेली पाहायला मिळाली. ॲसिड हल्ल्यातून बचावलेल्या या मंगला सुप्रसिद्ध गायिकेचा प्रवास या चित्रपटातून पाहायला मिळणार आहे.

‘कोणत्याही गोष्टीची सुरुवात कोठून करायची हे कळत नसेल तेव्हा समजायचं की सुरुवात झाली आहे’ या सुंदर, अर्थपूर्ण वाक्यानं ‘मंगला’ चित्रपटाच्या ट्रेलरची उत्सुकता वाढवून ठेवली आहे. आपल्यावर ओढवलेल्या संकटाला सामोरे जाण्यासाठी सर्वप्रथम आपल्या पाठीशी खंबीरपणे उभे असतात ते म्हणजे आपले आई-वडील. आई-वडिलांची साथच आपल्याला प्रत्येक संकटाला सामोरे जाण्यास मदत करते. त्यांचे आशीर्वाद, त्यांची कर्म ही प्रत्येक लेकराच्या मागे असतात. अशाच मंगलाचा कठीण असा प्रवास सोयीस्कर आणि सुखकर करण्यासाठी तिच्या आई-वडिलांची पुण्याई तिच्या कामी आली असं म्हणणं चुकीचं ठरणार नाही. बरेच दिवसांपासून ‘मंगला’ चित्रपटाच्या टिझरची, गाण्यांची, पोस्टरची चर्चा सुरू असलेली पाहायला मिळाली. ॲसिड हल्ल्यातून बचावलेल्या या मंगला सुप्रसिद्ध गायिकेचा प्रवास या चित्रपटातून पाहायला मिळणार आहे.

Mission Grey House चा सस्पेन्स, थ्रिलर, ॲक्शन पॅक्ड ट्रेलर रिलीज, ‘त्या’ खुणाचा पोलिस कसा लावणार छडा

चित्रपटाचा ट्रेलर नुकताच समोर आला असून या ट्रेलरमध्ये आई-वडिलांच्या साथीने मंगला ॲसिड हल्ल्यातून बाहेर पडण्यास कशी सावरते हे पाहायला मिळत आहे. मंगला ही मध्यवर्ती भूमिका अभिनेत्री शिवाली परब हिने साकारली आहे. तर तिच्या आई-वडिलांच्या भूमिकेत अलका कुबल आणि शशांक शेंडे हे दिग्गज कलाकार पाहायला मिळत आहेत. ॲसिड हल्ल्यामुळे समाजात मिळालेल्या रोषाला मंगला कशी सामोरी जाते याची झलक ट्रेलरमध्ये पाहायला मिळत आहे. या चित्रपटात शिवाली परब, शशांक शेंडे, अलका कुबल, विशाल राठोड या कलाकारांचा अभिनय लक्षवेधी ठरत आहे.

‘मंगला’ चित्रपटाच्या ट्रेलरने मंगला या गायिकेच्या प्रवासाचं रहस्य ताणून ठेवले आहे. ॲसिड हल्ल्याने वाईट वेळ आलेल्या एका गायिकेचा खराखुऱ्या प्रवासाची झलक ट्रेलरमध्ये पाहायला मिळतेय. एखाद्याच्या रूपाबरोबर त्यांच्यातील कलेला पुढे जाऊ न देता वाईट सूड घेऊन काही राक्षसी लोकं या चांगल्या कलेला त्रास देतात, हे चित्रपटात पाहायला मिळणार आहे.

“हम भी घुसकर मार सकते है…”, १९६५ च्या भारत-पाकिस्तान युद्धाची गोष्ट ‘स्काय फोर्स’ मध्ये दिसणार; दमदार ट्रेलर प्रदर्शित

‘रैश प्रोडक्शन प्रा.लि’ आणि ‘फक्त आणि फक्त एंटरटेनमेंट’ प्रस्तुत ‘मंगला’ या चित्रपटाच्या दिग्दर्शनाची धुरा अपर्णा हॉशिंग यांनी उत्तमरीत्या पेलवली आहे. तर चित्रपटाच्या निर्मितीची बाजू अपर्णा हॉशिंग, यशना मुरली, मोहन पुजारी, मिलिंद फोडकर यांनी सांभाळली आहे. चित्रपटाची कथा आणि पटकथा सौरभ चौधरीची असून संवाद प्रथमेश शिवलकर याचे आहेत. तर संपूर्ण चित्रपटाचे संगीत शंतनु घटक याचे आहे. तर चित्रपटातील गाणी निहार शेंबेकर, रोंकिनी गुप्ता, स्नेहल मालगुंडकर या गायकांनी त्यांच्या सुमधुर स्वरात स्वरबद्ध केली आहेत. एका वेगळ्या धाटणीच्या चित्रपटातून शिवाली परबला मोठ्या पडद्यावर पाहणं उत्सुकतेचं ठरेल. मंगलाची ही खरीखुरी कथा १७ जानेवारी २०२५ रोजी मोठ्या पडद्यावर पाहणं रंजक ठरेल.