ज्येष्ठ मराठी अभिनेते भालचंद्र कुलकर्णी कालवश, सहाय्यक भूमिकेतून मिळाली होती ओळख

[read_also content=”अरे देवा! धावत्या रेल्वेत संशयास्पद वस्तूचा स्फोट, संशयित बॅगधारक व्यक्ती चाळीसगाव येथेच झाला पसार, एक जखमी https://www.navarashtra.com/crime/big-breaking-suspicious-object-explodes-in-running-kushinagar-superfast-express-train-suspicious-bag-holder-missing-in-chalisgaon-one-injured-nrvb-376994.html”]

भालचंद्र कुलकर्णी यांनी अनेक नाटके आणि चित्रपटांमध्ये केले होते काम

आपल्या चार दशकांच्या कारकिर्दीत भालचंद्र कुलकर्णी यांनी अनेक नाटके, दूरदर्शन मालिकांमध्ये भूमिका केल्या. १९६५ मध्ये त्यांनी पहिल्यांदा लोकनाट्यातून अभिनयाला सुरुवात केली. त्यांनी स्वतःला तमाशा या महाराष्ट्रातील पारंपारिक रंगभूमीचे उत्पादन म्हटले. कुलकर्णी यांनी सोंगाड्या, पिंजरा आणि इतर अनेक प्रसिद्ध मराठी चित्रपटांमध्ये काम केले होते. भालचंद्र कुलकर्णी यांनी मराठी चित्रपटसृष्टीत सहाय्यक भूमिकेतून ठसा उमटवला.

भालचंद्र कुलकर्णी गेली अनेक वर्षे अभिनय क्षेत्रापासून होते दूर

गेल्या चार-पाच दशकांच्या कारकिर्दीत भालचंद्र कुलकर्णी यांनी असला नवरा नको गं बाई, पिंजरा, झुंज तुझी माझी, हळद रुसली कुंकू हसलं, थरथराट, जावयाची जात, धुमधडाका, सोंगाड्या, थरथराट अशा अनेक चित्रपटांत दमदार भूमिका साकारल्या. भालचंद्र कुलकर्णी हे त्यांच्या सहाय्यक भूमिकेसाठी ओळखले जातात.पण गेल्या अनेक वर्षांपासून ते अभिनय क्षेत्रापासून दूर होते. काही महिन्यांपूर्वी त्यांना ब्रँड कोल्हापूर जीवनगौरव पुरस्काराने सन्मानित करण्यात आले होते.

[read_also content=”काश्मीर ते कन्याकुमारी जोडणारे नाशिक हे मध्यवर्ती स्थान आहे – नितीन गडकरी https://www.navarashtra.com/maharashtra/nashik-is-a-central-location-connecting-kashmir-to-kanyakumari-nitin-gadkari-nrvb-377088.html”]

अखिल भारतीय मराठी चित्रपट महामंडळाचे ते काही वर्षे सचिव तर काही वर्षे संचालक होते. त्यांना महामंडळाच्या वतीने नुकताच चित्र भूषण पुरस्कार देण्यात आला होता. कुलकर्णी यांचे शनिवारी सकाळी ६ वाजता निधन झाले असून दुपारी १२ वाजता कोल्हापुरात त्यांच्यावर अंत्यसंस्कार करण्यात आले.

संबंधित बातम्या