शरीराला प्रोटीनची आवश्यकता असते आणि ते जास्त प्रमाणात मांसाहारी पदार्थांमध्ये विशेषतः चिकन आणि मटणातून मिळते असे मानले जाते. मात्र काही शाकाहारी पदार्थ हे नॉनव्हेजपेक्षाही अधिक उत्तम प्रोटीन मिळवून देतात
डाळी आणि बीन्स हे शाकाहारी प्रथिनांचे सर्वोत्तम स्रोत आहेत. मूग डाळ, मसूर डाळ, राजमा आणि हरभरा यामध्ये प्रथिने भरपूर प्रमाणात असतात. १०० ग्रॅम राजमामध्ये सुमारे २४ ग्रॅम प्रथिने असतात, ज्यामुळे ते शाकाहारी प्रथिनांचे सुपरफूड बनते
सोयाबीन हे प्रथिनांचे एक प्रमुख स्रोत मानले जाते. १०० ग्रॅम सोयाबीनमध्ये सुमारे ३६ ग्रॅम प्रथिने आढळतात. टोफू देखील सोयाबीनपासून बनवले जाते आणि ते प्रथिनांसह कॅल्शियमचा चांगला स्रोत आहे
चिया आणि जवसाच्या बियांमध्ये केवळ प्रथिनेच भरपूर प्रमाणात नसतात, तर त्यामध्ये ओमेगा-३ फॅटी अॅसिडदेखील आढळतात. या बिया पचन सुधारण्यास आणि वजन कमी करण्यास मदत करतात
क्विनोआ हे एक सुपरग्रेन आहे, जे शाकाहारी प्रथिनांचा सर्वोत्तम स्रोत मानले जाते. त्यात सर्व 9 आवश्यक अमीनो आम्ले असतात, ज्यामुळे ते स्नायूंच्या वाढीसाठी आदर्श बनते
बदाम, अक्रोड, पिस्ता, सूर्यफूल आणि भोपळ्याच्या बियांमध्ये प्रथिने भरपूर प्रमाणात असतात. हे केवळ शरीराला शक्ती देत नाहीत तर मानसिक विकासासाठीदेखील फायदेशीर आहेत
.png "Videos"){kind=small}
