केळी हे एक अतिशय पौष्टिक फळ आहे ज्यामध्ये अनेक प्रकारची पोषक तत्वे आढळतात. हे एक असे फळ आहे जे खरेदी करण्यासाठी तुम्हाला जास्त पैसे खर्च करावे लागत नाहीत. एरवी आपण पिकलेली केळीच खात असतो. जास्त करून कच्चं केळं केळ्याचे वेफर्स बनवण्यासाठी वापरले जातात. परंतु तुम्ही कच्चे केळे असेच खाल्ले आहे का? आता तुम्ही म्हणाल कच्ची केळी खाऊन कोण पोट खराब करून घेईल. पण कच्ची केळी नियमित खाल्ल्यास आरोग्यास अनेक फायदे होऊ शकतात.
कच्ची केळी खाण्याचे गुणकारी फायदे (फोटो सौजन्य: iStock)
कच्ची केळीमध्ये मोठ्या प्रमाणात पचनशक्तीला चांगले देणारे फायबर्स असतात. हे फायबर्स पचनतंत्राला सुधारण्यात मदत करतात आणि कब्ज व इतर पाचनविषयक समस्या कमी करतात.
कच्ची केळीमध्ये पोटॅशियम व मॅग्नेशियमचा समृद्ध स्रोत असतो. यामुळे आरोग्य तर सुधारतेच पण ताण-तणाव सुद्धा कमी होतो.
कच्च्या केळीत जास्त स्टार्च असतो, जो शरीराला ऊर्जा देण्यासाठी मदत करतो. त्यामुळे आपली सहनशक्ती व शारीरिक ताकद वाढते. यामुळे आपण शारीरिक रित्या अधिक मजबूत होते.
कच्च्या केळीत असलेला स्टार्च आणि फायबर्स रक्तातील साखरेची पातळी नियंत्रित करण्यात मदत करतात, त्यामुळे डायबिटीज असलेल्या लोकांसाठी ते फायदेशीर ठरते.
कच्ची केळी हृदयासाठी चांगली असते कारण त्यात पोटॅशियम आणि कमी सोडियमचे प्रमाण असते. हे हृदयाच्या आरोग्याला सुधारते आणि रक्तदाब नियंत्रित करण्यात मदत करतात.
