Numeros Motors Vibe Movers Women Athletes Campaign (फोटो सौजन्य-AI एआय)
‘व्हाइब मूव्हर्स’ ही मालिका केवळ पदके आणि सन्मानांपुरती मर्यादित नसून, क्रीडा क्षेत्रातील यशामागील खऱ्या संघर्षाचा वेध घेते—ज्यात कठोर सराव, दुखापती आणि अपयश यांचा समावेश असतो. ही मालिका न्यूमेरोसच्या ‘क्रॉसओव्हर युटिलिटी व्हेइकल्स’ (सीयूव्ही) या दुचाकींमागील मूळ तत्त्वज्ञानाचे प्रतिबिंब आहे, ज्यामध्ये पारंपरिक वाहनांची ताकद व टिकाऊपणा आणि इलेक्ट्रिक वाहनांची किफायतशीर चालन क्षमता यांचा सुरेख संगम साधला आहे.
Kinetic DX Electric Scooter ची 7,000 युनिट्स विक्री! 132 km रेंज, 3.1 kWh बॅटरीसह ग्राहकांची पसंती
याप्रसंगी ‘न्यूमेरोस मोटर्स’चे मुख्य कार्यकारी अधिकारी अरुण श्रीवास्तव म्हणाले,”न्यूमेरोसमध्ये आमची सीयूव्ही वाहने ग्राहकांच्या दैनंदिन प्रवासातील विविध पैलूंना सामोरे जाण्यासाठी आवश्यक असलेली लवचिकता आणि ताकद देणारी मजबूत व विश्वासार्ह साथीदार म्हणून घडवली गेली आहेत. ‘व्हाइब मूव्हर्स’मध्ये सहभागी झालेल्या विजेत्या खेळाडूंमध्येही हीच जिद्द दिसून येते. आव्हानांवर मात करून विजेतेपद पटकावण्याची त्यांची चिकाटी, कठोर परिश्रम आणि दृढनिश्चय आम्हाला सदैव प्रेरणा देतात.”
या तिन्ही खेळाडूंनी आपापल्या क्षेत्रात स्वतःची एक वेगळी वाट निवडून यशाचा मार्ग तयार केला आहे. टोकियो २०२० ऑलिम्पिकसाठी पात्र ठरणारी भवानी देवी ही भारताची पहिली ऑलिम्पिक तलवारबाज आहे. तिने राष्ट्रकुल तलवारबाजी अजिंक्यपद स्पर्धेत सुवर्णपदक आणि २०२३ च्या आशियाई तलवारबाजी अजिंक्यपद स्पर्धेत भारतासाठी पहिले ऐतिहासिक कांस्यपदक पटकावले असून, २०२१ मध्ये तिला ‘अर्जुन पुरस्काराने’ सन्मानित करण्यात आले आहे. दुसरीकडे, यशस्विनी घोरपडे हिने कनिष्ठ गटापासून प्रवास सुरू करत मार्च २०२६ मध्ये इंदूर येथे प्रथमच वरिष्ठ गटातील राष्ट्रीय महिला टेबल टेनिस विजेतेपद पटकावले असून, ती जागतिक टेबल टेनिस स्पर्धांमध्ये भारताचे प्रतिनिधित्व करते.
आपल्या प्रवासाविषयी यशस्विनी घोरपडे म्हणाली, “दररोज न चुकता मैदानावर हजर राहणे, सातत्याने सराव करणे आणि निराशाजनक दिवसांतही हार न मानणे यातूनच प्रगती घडते. अशाच प्रकारे मी भारताची राष्ट्रीय विजेती बनले. म्हणूनच न्यूमेरोस मोटर्स मला प्रगतीच्या वाटेवरील खरा साथीदार वाटतो. मी माझ्या खेळाप्रती जो अखंड उपयुक्ततावादी दृष्टिकोन ठेवण्याचा प्रयत्न करते, तेच मूल्य त्यांच्या क्रॉसओव्हर युटिलिटी व्हेइकल्समधून दिसून येते. ‘व्हाइब मूव्हर्स’मुळे महिला खेळाडूंना आम्ही कमावलेली हक्काची ओळख मिळत आहे आणि या उपक्रमाचा भाग होता आल्याबद्दल मी कृतज्ञ आहे.”
अभियांत्रिकी शिक्षण सोडून व्यावसायिक फुटबॉल आणि फुटसल निवडणाऱ्या *मिथिला रमानी हिने* जानेवारी २०२६ मध्ये मालदीवविरुद्धच्या भारताच्या पहिल्यावहिल्या आंतरराष्ट्रीय महिला फुटसल सामन्यात ११-१ च्या दणदणीत विजयात भारतासाठी पहिला गोल नोंदवला. त्यानंतर पहिल्या ‘सॅफ महिला फुटसल अजिंक्यपद’ स्पर्धेत भारताने रौप्यपदक जिंकले.
*या निमित्ताने मिथिला रमानी म्हणाली,* “स्थानिक मैदानांवर खेळण्यापासून ते भारताचे प्रतिनिधित्व करण्यापर्यंतचा प्रवास पूर्ण करण्यासाठी मला दहा वर्षांहून अधिक काळ लागला. पहिल्या सॅफ महिला फुटसल अजिंक्यपद स्पर्धेतील पदार्पणाचा गोल आणि रौप्यपदक मिळण्यापूर्वी या प्रवासात अनेक वळणे, जय-पराजय आणि पायाचे फ्रॅक्चर अशा कठीण प्रसंगांचा सामना करावा लागला. व्यावसायिक खेळाडू बनण्यासाठी लागणारी चिकाटी आणि जिद्द न्यूमेरोसच्या क्रॉसओव्हर युटिलिटी व्हेइकल्समधून अधोरेखित होते आणि ‘व्हाइब मूव्हर्स’ मोहीम आमच्यासारख्या कठीण वाटेवरून चालणाऱ्या खेळाडूंना हक्काचे व्यासपीठ देते. ‘एन-फर्स्ट’ सीयूव्ही हे पुढील प्रवासासाठी सज्ज असलेले वाहन आहे. ‘व्हाइब मूव्हर्स’ मालिकेचा भाग असल्याचा मला सार्थ अभिमान आहे.”
Ans: Vibe Movers ही भारतीय महिला खेळाडूंच्या संघर्षाचा आणि यशाचा गौरव करणारी न्यूमेरोस मोटर्सची विशेष मोहीम आहे.
Ans: ऑलिम्पिक तलवारबाज भवानी देवी, राष्ट्रीय टेबल टेनिस विजेती यशस्विनी घोरपडे आणि फुटसल खेळाडू मिथिला रमानी यांचा सन्मान करण्यात आला.
Ans: न्यूमेरोस मोटर्सने तिन्ही खेळाडूंना कंपनीचे N-First CUV इलेक्ट्रिक वाहन सस्नेह भेट म्हणून दिले आहे.






