‘टोळीचं रियुनिअन’! बिग बॉस मराठी 6 ची टीम दगडूशेठ बाप्पाच्या चरणी; अनुश्रीच्या नव्या घरामुळे पुन्हा जमली मैफिल

Bigg Boss Marathi 6 मधून प्रेक्षकांच्या मनात घर करणारी 'टोळी' पुन्हा एकदा चर्चेत आली आहे. शो संपून जवळपास दोन महिने उलटले असले तरी या मित्रमंडळींमधील नातं अजूनही तितकंच घट्ट असल्याचं पुन्हा एकदा दिसून आलं.

अनुश्री मानेच्या नव्या घराच्या निमित्ताने विशाल कोटीयन, अनुश्री माने, रोशन भजनकर आणि रुचिता जामदार हे सर्वजण पुण्यात एकत्र आले. यावेळी त्यांनी श्रीमंत दगडूशेठ हलवाई गणपतीचे दर्शन घेत बाप्पाचे आशीर्वादही घेतले.

रुचिता जामदारने या भेटीचे फोटो सोशल मीडियावर शेअर करत भावनिक कॅप्शन लिहिले. ती म्हणाली, "दगडूशेठ बाप्पा… तुझ्याकडे जेव्हा जेव्हा आले, तेव्हा तेव्हा काही ना काही सुंदर घेऊनच परत गेले. यावेळी आशीर्वादासोबत माझ्या आयुष्यातली ही खास माणसंही तुझीच देणगी वाटली. खूप खूप आभार बाप्पा."

तर विशाल कोटीयननेही दर्शनाचे फोटो शेअर करत "गणपती बाप्पा मोरया" अशी कॅप्शन दिली. त्यासोबत #Toli आणि #आपलाविशाल हे हॅशटॅगही वापरले.

या खास भेटीमागचं कारण म्हणजे काही दिवसांपूर्वी अनुश्री मानेच्या नव्या घराचं गणेशपूजन पार पडलं. त्याच निमित्ताने बिग बॉस मराठी 6 मधील या मित्रमंडळींचं पुन्हा एकदा रियुनिअन झालं. यावेळी अनुश्रीच्या नव्या घरातील काही खास क्षणांचे फोटोही सर्वांनी सोशल मीडियावर चाहत्यांसोबत शेअर केले आहेत.