Odisha Teacher Survives 14 Days in Landslide Pit, Rescued by Shepherd in Kandhamal ( ओडिशामधील कंधमाल येथे भूस्खलनाच्या खड्ड्यात १४ दिवस अडकलेल्या शिक्षिकेची एका मेंढपाळाने सुटका केली.)
मिळालेल्या माहितीनुसार, ते खड्ड्यातील गढूळ पाणी पिऊन कसेतरी वाचले आहेत. अखेरीस, शनिवारी एका मेंढपाळाने त्यांना पाहिले, त्यानंतर गावकऱ्यांनी त्यांची सुखरूप सुटका केली. मिळालेल्या माहितीनुसार, या शिक्षकाचे नाव मोहन महाराणा आहे. ते रायकिया ब्लॉकच्या इंद्रगड पंचायतीतील एका शाळेत शिकवतात. शनिवारी, भूस्खलनग्रस्त डांगसी गावाजवळील डोंगराजवळील एका खड्ड्यात ते अडकलेले आढळले.
An extraordinary story of survival from Odisha! A schoolteacher swept away during Cyclone Arnab has been rescued alive in Kandhamal after surviving nearly 15 days in a remote forest without food. Mohan Maharana, 47, was found in a ditch near landslide-hit Dangasi village after a cattle herder heard his faint cries and alerted villagers. With no access to food or clean drinking water, he survived by drinking muddy rainwater. The breakthrough came when a cattle herder heard his faint cries and alerted villagers. After being rescued, villagers carried him on a makeshift stretcher for nearly 18 km to Raikia Hospital. A remarkable fight for survival. Praying for his speedy recovery! — Manas Muduli (@manas_muduli) November 15, 2026
मिळालेल्या माहितीनुसार, 29 ऑक्टोबरच्या रात्री झालेल्या मुसळधार पाऊस होता. परिसरात मोठे भूस्खलन झाले होते. गावातील डोंगराचा काही भाग कोसळल्याने डांगसी गाव पूर्णपणे उद्वस्थ झाले.गावकऱ्यांनी जीव वाचवण्यासाठी जवळच्या दुबा गावात पलायन केले.या दरम्यान, मोहन महाराणा डांगासी गावाच्या दिशेने चालत होते.अचानक भूस्खलन झाल्याने आणि अंधारात त्यांचा पाय घसरल्याने ते डोंगराजवळील एका खोल खड्ड्यात पडले. जवळपास कोणीही नव्हते, त्यामुळे मदतीसाठी मारलेली त्यांची हाक कोणी ऐकली नाही. दुसऱ्या दिवशी सततच्या पावसामुळे आणि खराब हवामानामुळे त्यांचा आवाज क्षीण झाला. जंगल आणि डोंगराळ भागात अडकल्यामुळे त्यांना कोणीही शोधू शकले नाही.
भूस्खलनानंतर, हवामान सामान्य झाल्यावर, कुटुंबीयांनी त्यांचा शोध सुरू केला. ते न सापडल्याने, त्यांनी रायकिया पोलिसांशी संपर्क साधला. हरवल्याची तक्रार दाखल करण्यात आली आणि शोधमोहीम सुरू करण्यात आली. तथापि, अनेक प्रयत्न करूनही त्यांचा ठावठिकाणा लागला नाही.
शनिवारी, एक मेंढपाळ आपल्या गुरांसह त्या परिसरात आला. त्याला खड्ड्यातून एक अस्पष्ट आवाज ऐकू आला. जेव्हा तो आवाजाच्या दिशेने गेला, तेव्हा त्याला मोहन महाराणा खड्ड्यात अडकलेले दिसले. त्याने तात्काळ गावकऱ्यांना माहिती दिली. त्यानंतर गावकरी घटनास्थळी पोहोचले आणि त्यांनी शिक्षकाला बाहेर काढले. त्यांना तात्काळ वैद्यकीय मदतीची गरज होती. त्यांनी एक तात्पुरते स्ट्रेचर तयार केले आणि त्याला सुमारे १८ किलोमीटर पायी रायकिया हॉस्पिटलपर्यंत घेऊन गेले. हे लक्षात घेण्यासारखे आहे की, ओडिशामधील भूस्खलनामुळे रेल्वे वाहतुकीवर गंभीर परिणाम झाला होता आणि १३ ते २२ ऑक्टोबर दरम्यान अनेक गाड्या रद्द करण्यात आल्या होत्या.
Meerut CCTV Viral Video : लायटर लावला अन् साडीच्या दुकानाने घेतला पेट; CCTV पाहून व्यापारीही हादरले
या संपूर्ण घटनेबद्दल शिक्षक मोहन महाराणा म्हणाले, “मी सुंथिया येथे राहत होतो. त्या संध्याकाळी मी जेवण बनवत असताना मला कोणीतरी हाक मारत असल्याचे जाणवले. मी बाहेर येताच मला सर्वत्र पाणीच पाणी दिसले. जणू काही पूरच आला होता. सगळीकडे पूर्ण अंधार होता. मी कुठे जात आहे किंवा काय झाले आहे, हे मला समजत नव्हते. दुसऱ्या दिवशी सकाळी जेव्हा मला शुद्ध आली, तेव्हा मी स्वतःला नदीच्या कोरड्या भागात पाहिले.
आजूबाजूला दगडांचे ढीग होते आणि जवळच फक्त झऱ्याचे पाणी वाहत होते. मी सुमारे 15 दिवस गदुळ पाण्यावर दिवस काढले. मी अनेक वेळा मदतीसाठी लोकांना हाक मारली, पण माझ्या आवाजाकडे कोणी लक्ष दिले नाही. मी संपूर्ण वेळ शुद्धीत होतो, पण मला तिथून बाहेर पडता आले नाही. मला परत जाण्याचा मार्ग सापडला नाही.
ते ठिकाण दुबा गावापासून सुमारे तीन ते चार किलोमीटर अंतरावर, घनदाट जंगलात होते. मी गेल्या दोन वर्षांपासून या भागात राहत आहे, पण मी यापूर्वी असा मुसळधार पाऊस कधीही अनुभवला नव्हता. आता माझी प्रकृती बरी आहे.” असे वृत्त आहे की, दीर्घकाळच्या उपासमारीमुळे आणि गढूळ पाणी प्यायल्यामुळे त्यांची प्रकृती अत्यंत गंभीर झाली होती. ते सध्या रुग्णालयात दाखल असून त्यांच्यावर उपचार सुरू आहेत. 14 दिवसांच्या मृत्यूशी झुंजीनंतर मोहन महाराणा बरे झाल्याने त्यांच्या कुटुंबीयांना आणि गावकऱ्यांना मोठा दिलासा मिळाला आहे.






