'अजितदादांचा अपघात की घातपात?' भास्कर जाधवांचा सरकारला सवाल (Photo - X)
मुंबई : दिवंगत उपमुख्यमंत्री अजित पवार यांच्या विमान अपघातावरून महाराष्ट्रातील राजकीय वातावरण पुन्हा तापलं आहे. या प्रकरणाचा तपास आणि त्यातून समोर येणाऱ्या प्रश्नांवरून शिवसेना ठाकरे गटाचे नेते भास्कर जाधव यांनी सरकारला धारेवर धरलं आहे. अजितदादांचा मृत्यू नेमका अपघात होता की घातपात, याबाबत सरकारने स्पष्ट भूमिका मांडावी, अशी मागणी त्यांनी केली.
अजित पवार यांच्या विमान अपघाताला अनेक महिने उलटले, तरी या घटनेमागील नेमकं कारण अद्याप स्पष्ट झालेलं नाही. त्यामुळे जनतेच्या मनात अनेक प्रश्न आहेत, असं भास्कर जाधव म्हणाले. रोहित पवार सातत्याने या प्रकरणाचा पाठपुरावा करत आहेत. मात्र, सत्ताधाऱ्यांकडून या प्रकरणाबाबत स्पष्ट माहिती समोर येत नसल्याचा आरोपही त्यांनी केला.
अजितदादांचा अपघात होता की घातपात, याबाबत महाराष्ट्रातील जनतेच्या मनात संशय वाढत असल्याचं मत जाधव यांनी व्यक्त केलं. या प्रकरणाचा सखोल तपास करून सत्य जनतेसमोर आणण्याची गरज असल्याचंही ते म्हणाले.
रोहित पवार यांनी उपस्थित केलेल्या मफलर मॅनच्या मुद्द्यावरही भास्कर जाधव यांनी भाष्य केलं. मुख्यमंत्री देवेंद्र फडणवीस यांचे फोटोज VSR कंपनीच्या मालकांसोबत असल्याचे दाखवत रोहित पवारांनी फडणवीसच मफलरमॅन असल्याचं सांगितलं आहे. यावर भास्कर जाधव यांनी फडणवीसांचं नाव न घेता ‘संबंधित व्यक्तीचा पूर्वइतिहास तपासला पाहिजे,’ अशी भूमिका त्यांनी मांडली.
यावेळी त्यांनी शिवसेनेतील फुटीच्या काळातील घटनांचाही उल्लेख केला. सुरुवातीला आमचा या घडामोडींशी संबंध नाही, अशी भूमिका घेतली जात होती. मात्र, नंतर पडद्यामागे नेमकं काय घडलं, याबाबत संबंधितांकडूनच माहिती समोर आली होती, असं जाधव म्हणाले.
कानटोप्या आणि मफलर घालून एकमेकांना भेटण्याच्या घटनांचाही त्यांनी उल्लेख केला. त्यामुळे मफलर मॅनच्या मुद्द्यावरही अनेक प्रश्न निर्माण होत असल्याचं त्यांनी सांगितलं.
दरम्यान, या प्रकरणात रोहित पवार यांनी 23 मार्च 2026 रोजी बंगळुरू येथे Zero FIR दाखल केली होती. ही FIR पुढे महाराष्ट्राकडे वर्ग करण्यात आली असून CID ने सुरू असलेल्या तपासात तिचा समावेश केला आहे.
मात्र, अपघातामागे तांत्रिक त्रुटी, निष्काळजीपणा की अन्य काही कारण आहे, याबाबत अंतिम निष्कर्ष अद्याप समोर आलेला नाही.
त्यामुळे तपास यंत्रणांनी सर्व प्रश्नांची उत्तरे देऊन अजितदादांच्या मृत्यूमागील सत्य जनतेसमोर आणावं, अशी मागणी आता राजकीय नेत्यांकडून केली जात आहे.
Ans: अजित पवार यांचा मृत्यू विमान अपघातामुळे झाला की त्यामागे घातपात होता, याबाबत सरकारने स्पष्ट भूमिका मांडावी आणि तपासातील सत्य जनतेसमोर आणावे, अशी मागणी भास्कर जाधव यांनी केली.
Ans: रोहित पवार यांनी उपस्थित केलेल्या मफलर मॅनच्या मुद्द्यावर भाष्य करत संबंधित व्यक्तीचा पूर्वइतिहास तपासण्याची गरज असल्याचे जाधव म्हणाले. शिवसेना फुटीच्या काळातील घटनांचाही त्यांनी उल्लेख केला.
Ans: होय. 23 मार्च 2026 रोजी रोहित पवार यांच्या तक्रारीवर बंगळुरू पोलिसांनी Zero FIR दाखल केली होती. त्यानंतर ती महाराष्ट्राकडे वर्ग करण्यात आली. CID ने ही FIR सुरू असलेल्या अपघाती मृत्यूच्या तपासात समाविष्ट केल्याचे सांगितले आहे.






