वजन वाढल्यानंतर ते नियंत्रणात आणण्यासाठी अनेक प्रयत्न केले जातात. जिममध्ये जाऊन तासनतास व्यायाम करणे, डाईटमध्ये बदल करणे इत्यादी अनेक पदार्थांचे सेवन केले जाते. पण काहींचे तरीसुद्धा वजन कमी होत नाही. अनेकांना वजन कमी करताना गोड पदार्थ किंवा मिठाई खाण्याची इच्छा निर्माण होते. पण नेहमी नेहमी गोड पदार्थ खाल्यामुळे वाढलेले वजन कमी होण्याऐवजी वजन आणखीनच वाढत जाते. त्यामुळे आज आम्ही तुम्हाला वजन कमी करताना गोड पदार्थ खाण्याची इच्छा झाल्यानंतर कोणत्या पदार्थांचे सेवन करावे, याबद्दल सविस्तर माहिती सांगणार आहोत. चला तर जाणून घेऊया. (फोटो सौजन्य-istock)
गोड पदार्थ खाण्याची इच्छा झाल्यास या पदार्थांचे करा सेवन
डार्क चॉकलेटमध्ये अँटिऑक्सिडेंट आढळून येतात, ज्यामुळे आरोग्याला अनेक फायदे होतात. डार्क चॉकलेटचे सेवन केल्यामुळे साखर खाण्याची इच्छा कमी होते.
पिस्त्यामध्ये भरपूर प्रमाणात प्रथिने आणि फायबर आढळून येतात, ज्यामुळे पोट दीर्घकाळ भरलेले राहते. शिवाय साखर खाण्याची इच्छा कमी होऊन जाते.
चिया सीड्समध्ये फायबर, ओमेगा-३ फॅटी ॲसिड आणि इतर आवश्यक पोषक घटक आढळून येतात. त्यामुळे तुम्ही चिया सीड्सचे पाणी किंवा इतर पदार्थ खाऊ शकता, ज्याचा आरोग्यला फायदा होईल.
ब्लूबेरी, स्ट्रॉबेरी, ब्लॅकबेरी आणि रास्पबेरी इत्यादी पदार्थांमध्ये नैसर्गिक गोडवा असतो. त्यामुळे साखरयुक्त पदार्थ खाण्याची इच्छा झाल्यानंतर तुम्ही बेरीजचे सेवन करू शकता.
गोड पदार्थ खाण्याऐवजी दह्याचे सेवन करावे. दह्यामध्ये प्रथिने आणि कॅल्शियम भरपूर प्रमाणात आढळून येतात. यामुळे दीर्घकाळ पोट भरलेले राहते.
