गुरुवार, 29 ऑक्टोबर 2026
Dhanteras 2026: धनत्रयोदशीचा सण शुक्रवार, 6 नोव्हेंबर रोजी आहे. या दिवशी बरेच जण सोनं चांदीची खरेदी करतात. मात्र सोने चांदीच्या वाढत्या किंमतीमुळे त्याची खरेदी करणे शक्य होत नाही. अशावेळी या वस्तूंची खरेदी करणे शुभ मानले जाते.
धनत्रयोदशीला सोने-चांदी खरेदी करता येत नसल्यास या वस्तूंची करा खरेदी
धार्मिक श्रद्धेनुसार धनत्रयोदशीच्या दिवशी घरी कोणतीही नवीन वस्तू आणल्याने संपत्तीची देवी, लक्ष्मीचे आगमन होते. जर काही कारणास्तव तुम्ही सोने किंवा चांदी खरेदी करू शकत नसाल, तर तुम्ही स्टील किंवा तांब्याची भांडी खरेदी करू शकता.
जर तुम्ही धनत्रयोदशीच्या दिवशी भांडी खरेदी करू शकत नसाल, तर तुम्ही झाडू खरेदी करू शकता. असे मानले जाते की झाडू देवी लक्ष्मीला अत्यंत प्रिय आहेत आणि धनत्रयोदशीच्या दिवशी ते खरेदी केल्याने तिचा विशेष आशीर्वाद मिळतो.
धनत्रयोदशीच्या दिवशी सोने किंवा चांदी खरेदी करत नसाल, तर तुम्ही मीठ आणि धणेदेखील खरेदी करू शकता. या दिवशी धणे आणि मीठ खरेदी करणे शुभ मानले जाते आणि दोन्ही पवित्रतेचे प्रतीक आहेत.
धनत्रयोदशीच्या दिवशी तुम्ही देवी लक्ष्मी आणि गणेश यांच्या मूर्ती नक्कीच खरेदी कराव्यात. असे करणे अत्यंत शुभ मानले जाते. देवी लक्ष्मी आणि गणेश यांच्या मूर्ती खरेदी केल्याने जीवनातील सर्व अडथळे दूर होतात.
धनत्रयोदशीच्या दिवशी काचेच्या वस्तू खरेदी करू नयेत. काच ही राहू ग्रहाशी संबंधित मानली जाते, त्यामुळे या दिवशी काचेच्या वस्तू खरेदी करणे टाळावे. याशिवाय, धनत्रयोदशीच्या दिवशी प्लास्टिकच्या वस्तू देखील टाळाव्यात.
