अभिनेत्री ज्ञानदा रामतीर्थकरने अखेर लग्नसोहळा हुरकला आहे. सोशल मीडियावर अभिनेत्रीच्या लग्नाचे फोटोज चर्चेत आले आहेत. गेल्या काही दिवसात अभिनेत्रीच्या घरी लग्नसराईची लगबग सुरु होती. अशामध्ये अखेर तिने हर्षद आत्मारामसोबत सप्तपदी घेतल्या आहेत. पारंपरिक पद्धतीने व मराठी पद्धतीने लग्नसोहळा पार पडला आहे.
फोटो सौजन्य - Social Media
गेल्या दोन दिवसांपासून रामतीर्थंकरांच्या घरी हा सोहळा रंगत आहे. अभिनेत्रीचे या आधी मेहंदी सोहळ्याचे फोटोज समोर आले होते.
मेहंदीचे फोटोजही चर्चेचे येताच अभिनेत्रीच्या हळदीचे नवे फोटोज समोर आले आहे. त्यांनाही चाहत्यांनी भरभरून पसंती दिली आहे आणि शुभेच्छांचा वर्षाव केला आहे.
दरम्यान, ज्ञानदाच्या लग्नाचे फोटोज चर्चेत आहेत. ज्ञानदाने तिच्या लग्नात जांभळ्या रंगाची साडी परिधान केली होती. कपाळावर मुंडावळ्या आणि मराठी पेहराव फार आकर्षक दिसत आहे.
ज्ञानदाच्या चाहत्यांनी तिला तिच्या आयुष्यातील नव्या पर्वासाठी शुभेच्छा दिल्या आहेत. ज्ञानदाचा लुक पाहून तिच्या चाहत्यांनी तिचे कौतूकं केले आहे.
ज्ञानदा रामतीर्थकर सध्या 'लग्नानंतर होईलच प्रेम!' या मालिकेत मुख्य भूमिकेत झळकत आहे.
