शुक्रवार, 13 नोव्हेंबर 2026
लग्नसराईच्या दिवसांमध्ये सर्वच महिला सुंदर साडी नेसून,छान तयार होऊन लग्नाला जातात. साडी नेसल्यानंतर महिलांचा लुक खूप सुंदर आणि उठावदार दिसतो. बदलत्या फॅशनमुळे महिलांना हातावर सोडलेला मोकळा पदर खूप जास्त आवडतो. हातावर पदर सोडल्यानंतर तो जर व्यवस्थित सांभाळला नाहीतर चारचौघांमध्ये फजिती होते. त्यामुळे आज आम्ही तुम्हाला साडी नेसल्यानंतर हातावर सोडलेला पदर कशा प्रकारे पिनअप करावा, याबद्दल काही सोप्या टिप्स सांगणार आहोत. या टिप्स फॉलो केल्यास तुमचा पदर कधीच खाली येणार नाही. (फोटो सौजन्य-pinterest)
हातावर मोकळा सोडलेला पदर या पद्धतीने करा फिक्स
साडी नेसल्यानंतर पदर डाव्या खांद्यावर घेतल्यानंतर सगळ्यात आधी तो खांद्यावर पिनअप करून घ्यावा.
पोटावर जिथे साडीच्या निऱ्या खोचलेल्या असतात तिथे पोटाच्या डाव्या बाजुला पदर अगदी हलकासा खोचून घ्यावा. ज्यामुळे पदर व्यवस्थित बसेल.
पदराचा खालचा काठ थोड्या थोड्या अंतरावर वर करून निऱ्या घातल्याप्रमाणे दोन ते तीन फोल्ड करून घ्यावे. यामुळे तुमचा पदर खाली येणार नाही.
पदराच्या निऱ्या डाव्या हाताच्या खांद्यांखालून पिनअप करून घ्यावा. ज्यामुळे तुम्ही साडीला लावलेला पिन दिसणार नाही.
वरील पद्धतीने जर पदर पिनअप केला तर तुमचा पदर खाली येणार नाही. तसेच पदर सांभाळताना तुमची तारांबळ उडणार नाही.
