मंगळवार, 11 ऑगस्ट 2026
१३ ऑगस्टपासून श्रावण महिन्याला सुरुवात होणार आहे. श्रावणात येणारा महिलांचा आवडता सण म्हणजे मंगळागौरी. नवीन लग्न झाल्यानंतर पहिल्याच वर्षी मंगळागौर साजरा केली जाते. सर्वच महिला सुंदर नटून थटून तयार होतात. पण बऱ्याचदा मंगळागौरीसाठी नेमकी कोणत्या रंगाची साडी खरेदी करावी? सुचत नाही. साडीचा रंग संपूर्ण लुक उठावदार आणि सुंदर करतो. त्यामुळे स्किनटोनला शोभून दिसेल अशाच रंगाची साडी खरेदी करावी. मंगळागौरीच्या पूजेत उठून दिसण्यासाठी खरेदी करा या रंगांच्या साड्या. (फोटो सौजन्य – pinterest)
मंगळागौरीला दिसेल पारंपरिक मराठमोळा लुक! साडी खरेदी करताना 'या' रंगांना द्या पसंती
श्रावण महिन्यात प्रामुख्याने हिरव्या रंगाची साडी नेसण्यास जास्त प्राधान्य दिले जाते. हिरवा रंग कोणत्याही स्किनटोनवर उठावदार दिसतो. त्यामुळे पैठणी किंवा कांजीवरम सिल्कमधील नऊवारी साडी तुम्ही खरेदी करू शकता.
सर्वच महिलांना लाल रंगाची साडी नेसायला खूप जास्त आवडते. लाल रंगाच्या विविध शेड्स बाजारात उपलब्ध आहेत. त्यामुळे पूजेसाठी लाल रंगाची बुट्टी असलेली पैठणी सुद्धा खरेदी करू शकता.
लग्न सोहळ्यात प्रामुख्याने पिवळ्या रंगाची साडी नेसली जाते. त्यामुळे पूर्णपणे पिवळी किंवा पिवळ्या रंगाची कॉन्ट्रास्ट साडी मंगळागौरीच्या पूजेसाठी उत्तम पर्याय आहे.
मंगळागौरीच्या पूजेत रॉयल आणि हटके लुक हवा असेल तर केशरी रंगाची साडी तुम्ही खरेदी करू शकता. केशरी रंगाच्या साडीवर डार्क गुलाबी ब्लाऊज सुंदर दिसेल.
टिपिकल मराठमोळा लुक हवा असेल तर जांभळ्या रंगातील विविध शेड्स तुम्ही खरेदी करू शकता. जांभळ्या रंगात विविध पर्याय उपलब्ध आहेत.
