रविवार, 15 नोव्हेंबर 2026
जिलेबी सर्वांची आवडती मिठाई आहे. अनेक ठिकाणी जिलेबी नाश्त्याला देखील खल्ली जाते. निवडणुकीच्या निकालादरम्यान देखील जिलेबीची प्रचंड चर्चा रंगली होती. जिलेबी केवळ सामान्य माणसांनाच नाही तर नेत्यांची देखील आवडती मिठाई आहे. भारतीयांना प्रचंड आवडणारी जिलेबी मुळात भारतातील नाहीच. मग जिलेबी भारतात कुठून आली आणि कोणत्या देशाची राष्ट्रीय मिठाई आहे, असे अनेक प्रश्न आपल्या मनात असतील. चला तर मग या सर्व प्रश्नांची उत्तर जाणून घेऊया. (फोटो सौजन्य – Pinterest)
या देशाची राष्ट्रीय मिठाई आहे जिलेबी; भारतात कसं झालं आगमन? जाणून घ्या इतिहास
विजयाचा आनंद साजरा करण्यासाठी किंवा एखाद्या शुभ प्रसंगी जिलेबी वाटली जाते. तुम्हाला हे जाणून आश्चर्य वाटेल की जिलेबी ही भारतीय मिठाई नाही.
जिलेबी भारताबाहेरून आली आणि देशाच्या कानाकोपऱ्यात प्रसिद्ध झाली.
जिलेबी ही ईरानमधील मिठाई आहे, असं म्हटलं जातं. ईरानमध्ये जिलेबीला जुलाबिया किंवा जुलुबिया असं म्हणतात.
इतिहासकारांच्या मते, 500 वर्षांपूर्वी जेव्हा तुर्की आक्रमणकर्ते भारतात आले, तेव्हा त्यांनी ते आपल्यासोबत भारतात जिलेबी घेऊन आले. तेव्हापासून भारतातही जिलेबी बनवली जाऊ लागली आणि हळूहळू ती लोकप्रिय झाली.
जिलेबी हा मुळात अरबी शब्द आहे. मध्ययुगीन पुस्तक 'किताब-अल-ताबिक'मध्ये 'जलाबिया' आणि मिठाई या शब्दाचा उल्लेख असल्याचं सांगितलं जात.
15 व्या शतकात भारतात जिलेबी तयार करण्यास सुरुवात झाली. बांगलादेशने स्वतंत्र राष्ट्र झाल्यानंतर जिलेबीला राष्ट्रीय मिठाई घोषित केले.
