आपल्या प्रत्येकाकडे स्मार्टफोन आहे, कारण स्मार्टफोन काळाची गरज बनली आहे. आपली सर्वच काम स्मार्टफोनच्या माध्यमातून होतात. एक दिवस जरी आपल्याकडे स्मार्टफोन नसेल तर तर आपला दिवस कंटाळवाणा जातो. आपल्या फोनमध्ये अनेक वेगवेगळे पार्ट्स असतात, ज्यामुळे आपल्या फोनला सुरक्षा मिळते. फोनचा कॅमेरा, बॅटरी, प्रोसेसर आणि रॅम बद्दल तुम्ही ऐकले किंवा वाचले असेल. कोणताही फोन खरेदी करताना आपण फोनचा कॅमेरा, बॅटरी लाईफ, स्टोरेज, रॅम, प्रोसेसर या सर्वाबद्दल माहिती घेतो. पण फोनमध्ये वापरल्या जाणाऱ्या सेन्सरबद्दल फार कमी लोकांना माहीत असतं.
Smartphone Tips: आपल्या स्मार्टफोनमध्ये किती प्रकारचे सेन्सर असतात? जाणून घ्या सविस्तर (फोटो सौजन्य - pinterest)
फोनमधील स्पर्शाशी संबंधित सर्व कार्ये करण्यासाठी सेन्सर महत्त्वाची भूमिका बजावतात. फोनमध्ये अनेक प्रकारचे सेन्सर्स आहेत. फार कमी लोकांना फोनमध्ये असणाऱ्या सेन्सरबद्दल माहिती असते.
फिंगरप्रिंट सेन्सर- स्मार्टफोनमध्ये फिंगरप्रिंट सेन्सरचा वापर लक्षणीय वाढला आहे. फोन लॉक आणि अनलॉक करण्यासाठी या तंत्रज्ञानाचा वापर केला जातो. या सेन्सरमुळे फोनची सुरक्षा वाढते.
ॲम्बियंट लाइट सेन्सर- जर तुम्ही फोनमध्ये ऑटो ब्राइटनेस फीचर वापरला असेल, तर या तंत्रज्ञानामागे ॲम्बियंट लाइट सेन्सर काम करतो. जेव्हा जेव्हा फोनमध्ये हे फीचर सक्रिय केले जाते, तेव्हा फोन आसपासच्या प्रकाशाचे मोजमाप करतो आणि त्यानुसार फोनमध्ये ब्राइटनेस ठेवतो.
कॅपेसिटिव्ह सेन्सर - कॅपेसिटिव्ह सेन्सर फोन ऑपरेट करण्यासाठी वापरल्या जाणाऱ्या बोटांचे मोजमाप करतो, जेव्हा जेव्हा लोक फोन ऑपरेट करण्यासाठी फोन स्क्रीनवर बोटे ठेवतात तेव्हा कॅपेसिटिव्ह सेन्सर स्वाइप आणि क्लिक सारखी कार्ये करतो.
प्रॉक्सिमिटी सेन्सर- प्रॉक्सिमिटी सेन्सरचे काम वापरकर्त्याच्या चेहऱ्याद्वारे फोन लॉक आणि अनलॉक करणे आहे. हा सेन्सर लोकांचे चेहरे ओळखतो.
एक्सेलेरोमीटर सेन्सर- स्मार्टफोनमधील एक्सेलेरोमीटर सेन्सर गेमिंग दरम्यान वापरला जातो. बरेच लोक फोनवर असे गेम खेळतात, ज्यामध्ये त्यांना फोन वाकवावा लागतो किंवा उचलावा लागतो आणि मग गेम नियंत्रित होतो. या गेममध्ये एक्सेलेरोमीटर सेन्सरचा वापर करण्यात आला आहे. एक्सेलेरोमीटर सेन्सर फोनचा रोटेशन वेग आणि दिशा मोजतो आणि फिटनेस ट्रॅकिंगसाठी देखील वापरला जातो.
