भारतात सोन्याला फार मान आहे. सोन खरेदी करणं आणि ते परीधान करणं हे भारतात मोठ्या प्रतिष्ठेचं मानलं जातं. दिखावा असला तरी सोनं खरेदी करण्याचा आणखीन एक फायदा म्हणजे तुमच्या पैशांची होणारी गुंतवणुक. सोन्याची किंमत प्रत्येक दिवसाला वाढत जाते ज्यामुळे भविष्यात तुम्ही खरेदी केलेल्या सोन्याचा दर आपल्याला नक्कीच फायदा करुन देतो. भारतात अनेक लोक फॅशनसाठी किंवा गुंतवणूकीसाठी सोनं खरेदी करतात. पण आजकाल वाढत चाललेल्या या बनावटी जगात तुमचं सोन खरं आहे की खोटं हा प्रश्न तितकाच महत्त्वाचा ठरतो. सोन्याची पारख प्रत्येकाला करता येत नाही ज्यामुळे अनेकजण नकळत खरं समजून खोटं सोनं खरेदी करतात. म्हणूनच आज आम्ही तुम्हाला आपण खरेदी केलेलं सोनं नक्की खरं की खोटं हे तपासण्यासाठी काही सोप्या टिप्य सांगणार आहोत.
तुमचे सोन्याने दागिने खोटे तर नाहीत? 2 मिनिटांत सत्य होईल उघड; ही आहे प्रोसेस
सोन्याचे दागिने खरेदी करताना नेहमी हॉलमार्क तपासणे अनिवार्य आहे. सोन्याच्या दागिन्यांवर BIS द्वारे प्रमाणित हॉलमार्क दिलेला असतो. याच्या मदतीने सोने किती कॅरेटचे आहे ते आपल्याला समजते.
लक्षात ठेवा, बनावटी सोनं किंवा चांदी ही चुंबकाकडे खेचली जाते, ज्यामुळे तुम्ही कधीही सोनं खरेदी करायला जाल तेव्हा तुमच्यासोबत एक चुंबक सोबत ठेवायला विसरु नका.
सोन्याला नायट्रिक ॲसिडमध्ये भिजवून ठेवा आणि काहीवेळ प्रतिक्षा करा. जर पाण्याचा रंग बदलला तर तुम्ही खरेदी केलेलं सोनं बनावटी असल्याची शक्यता आहे.
सोनं तपासण्याचा आणखीन एक सोपा मार्ग म्हणजे याला पाण्यात बूडवून पाहा. जर तुमचे सोने पाण्यात टाकताच बुडले तर ते खरे असण्याची शक्यता आहे पण जर ते पाण्याच्या वर तरंगत असेल तर ते बनावटी असल्याचा अंदाज लावला जाऊ शकतो.
सोन्याची तपासणी करण्यासाठी तुम्ही साऊंट टेस्टिंगचाही पर्याय निवडू शकता. खरे सोने किंवा चांदी घंटासारखा आवाज निर्माण करते, तर बनावट धातूंमध्ये सामान्यतः जड, पोकळ आवाज येतो.
हा लेख सामान्य माहितीसाठी लिहिण्यात आला आहे. खात्रीशीर माहितीसाठी तुम्ही तज्ञांचा सल्ला घेऊ शकता.
