“रत्नांची राणी” म्हणून ओळखले जाणारे मोती जगभरात आहेत प्रसिद्ध! जाणून घ्या जगातील जुन्या रत्नांबद्दलचा रंजक इतिहास

मोती हा अतिशय कठीण आणि चमकणारी वस्तू आहे जी जिवंत कवच असलेल्या मोलस्क किंवा जीवाश्म कोन्युलॅरिड्स सारख्या इतर प्राण्यांच्या मऊ ऊतींमध्ये तयार होते. मोती कॅल्शियम कार्बोनेट प्रामुख्याने अरागोनाइट किंवा अरागोनाइट आणि कॅल्साइटचे मिश्रणापासून बनतात.

मोती दागिन्यांचा उल्लेख प्राचीन ग्रीक आणि रोमन संस्कृतीपासून ते भारतीय आणि महाराष्ट्रीयन परंपरेपर्यंत आहे. प्राचीन काळात मोती हे दैवी किंवा राजेशाहीचे प्रतीक मानले जायचे. आकर्षक आणि बहुउपयोगी रत्न म्हणून सगळीकडे मोत्यांची ओळख आहे.

२० व्या शतकाच्या सुरुवातीपर्यंत १०० फूट खोल जाऊन मोती गोळा केले जायचे. एक टन शिंपल्या जमा केल्यानंतर त्यातून केवळ ३ किंवा ४ अस्सल मोती मिळत असे. गोळा केलेले मोती राजघराण्यांतील लोकांसाठी राखीव ठेवण्यात आले होते.

नैसर्गिक मोती दुर्मिळ रत्नांपैकी एक आहेत. किंमतीने महाग असलेले मोती कोणत्याही साडीवर किंवा ड्रेसवर परिधान केल्यास अतिशय सुंदर लुक येतो . मोत्याच्या दागिन्यांना बाजारात खूप जास्त मागणी आहे.

वेगवेगळ्या रंगांचे अस्सल मोती जगभरातील नद्या, समुद्र इत्यादी वेगवेगळ्या ठिकाणाहून शोधून काढले जातात. अस्सल मोती कधीच खराब होत नाही.