शुक्रवार, 11 सप्टेंबर 2026
Lalbaugcha Raja 2026: मुंबईच्या गणेशोत्सवाचे प्रमुख आकर्षण असलेल्या लालबागच्या राजाच्या 2026 मधील पहिल्या झलक पाहायला मिळत आहे. यंदा मंडळाचे 93 वे वर्ष असून गणेशोत्सव 14 ते 25 सप्टेंबरदरम्यान साजरा होणार आहे. मंदिरसदृश भव्य प्रवेशद्वार आणि महाकाय त्रिशूळामुळे यंदाच्या सजावटीची चर्चा आधीपासूनच रंगली आहे..
ही शान कुणाची...! लालबागच्या राजाची पहिली झलक, पाहा PHOTO
Lalbaugcha Raja 2026: ही शान कुणाची... लालबागच्या राजाची!’ मुंबईत गणेशोत्सव म्हटलं की डोळ्यांसमोर येणाऱ्या प्रमुख गणेशमूर्तींपैकी एक म्हणजे लालबागचा राजा. गणेश चतुर्थी अवघ्या काही दिवसांवर आला असून लालबागच्या राजाची (Lalbaugcha Raja) पहिली झलक पाहायला मिळाली. अगदी पारंपारिक पद्धतीने राजाची पहिली झलक दाखवण्यात आली.
यंदा लालबागच्या राजाचे 93 वे वर्ष लालबागचा राजा सार्वजनिक गणेशोत्सव मंडळाचे यंदा 93 वे वर्ष आहे. मंडळाच्या अधिकृत माहितीनुसार, यंदाचा उत्सव सोमवार, 14 सप्टेंबर 2026 रोजी गणेश चतुर्थीपासून शुक्रवार, 25 सप्टेंबर रोजी अनंत चतुर्दशीपर्यंत साजरा केला जाणार आहे. यंदाच्या उत्सवाच्या तयारीला 9 जून रोजी झालेल्या श्री गणेश मुहूर्त पूजनाने सुरुवात झाली होती.
महाकाय त्रिशूळ अन् मंदिरसदृश प्रवेशद्वार बाप्पाचे संपूर्ण रूप अधिकृतरीत्या समोर येण्यापूर्वीच यंदाच्या दरबाराची झलक चर्चेत आली आहे. मंडपाच्या प्रवेशद्वाराला भव्य मंदिराचे स्वरूप देण्यात आले असून विशाल त्रिशूळ विशेष लक्ष वेधून घेत आहे.
लालबागच्या राजाचं फोटो प्रसिद्ध झाले असून बाप्पाचं मनमोहक रुप पाहण्यासाठी गणेशभक्तांची उत्सुकता शिगेला पोहोचली आहे.
मंदिरसदृश रचना, त्रिशूळ आणि भगवान शंकराशी संबंधित सजावटीमुळे यंदाची थीम महाकाल किंवा शिवतत्त्वाशी संबंधित आहे.
लालबागच्या राजाला ‘नवसाला पावणारा गणपती’ म्हणून मोठी श्रद्धा लाभली आहे. दरवर्षी देश-विदेशातून मोठ्या संख्येने भाविक मुखदर्शन आणि चरणदर्शनासाठी लालबागमध्ये दाखल होतात.
यंदाचा गणेशोत्सव 14 सप्टेंबरला सुरू होणार असून 25 सप्टेंबरला अनंत चतुर्दशीला सांगता होईल.
