Onkar Raut : कोण रं ही सुंदर मुलगी? ओंकार राऊतने दिले Pout! महाराष्ट्राच्या हास्य जत्रेत काही तरी शिजतंय

'महाराष्ट्राची हास्यजत्रा' या कार्यक्रमातील ओंकार राऊतने त्याच्या सोशल मीडियावर पोस्ट शेअर केली आहे, ज्यात त्याने स्त्री पात्र साकारल्याचे दिसत आहे. ‘महाराष्ट्राची हास्यजत्रा’ या लोकप्रिय कार्यक्रमातील अभिनेता ओंकार राऊत सध्या सोशल मीडियावर चर्चेचा विषय ठरला आहे. त्याने स्त्री वेशातील काही खास फोटो शेअर केले असून ते पाहून चाहत्यांचे लक्ष वेधले गेले आहे.

या फोटोंमध्ये ओंकारने स्त्री व्यक्तिरेखेचा वेगळा लूक साकारला असून तो पूर्णपणे भिन्न आणि आकर्षक अंदाजात दिसत आहे. या भूमिकेसाठी केलेला बदल आणि त्याचा सहज अभिनय चाहत्यांना विशेष आवडला आहे.

शोच्या निमित्ताने पुन्हा एकदा स्त्री भूमिका साकारण्याची संधी मिळाल्याचे त्याने सांगितले असून “स्त्री होणे सोपे नाही” असा अनुभवही त्याने व्यक्त केला आहे.

त्याने आपल्या पोस्टमध्ये “My Mashooqa variant in alternate universe !!!” अशी मजेशीर कॅप्शन देत फोटो अधिक लक्षवेधी केले आहेत. तसेच “माझ्या आयुष्यातील सर्व स्त्रियांना सलाम” असे म्हणत त्याने महिलांप्रती आदरही व्यक्त केला आहे.

ओंकार राऊतचे हे हटके फोटो सध्या सोशल मीडियावर व्हायरल होत असून चाहत्यांकडून त्याला मोठ्या प्रमाणात प्रतिसाद मिळत आहे.