Photo : 290 डावांनंतर एकदिवसीय क्रिकेटमध्ये शतकांचा राजा कोण? भारताचे तीन खेळाडू टाॅप 5 मध्ये सामील

एकदिवसीय क्रिकेटमध्ये २९० डावांनंतर सर्वाधिक शतके करण्याचा विक्रम विराट कोहलीच्या नावावर आहे. त्याने या फॉरमॅटमध्ये २९० डावांमध्ये ५१ शतके केली आहेत. विराट कोहलीने १८ ऑगस्ट २००८ रोजी एकदिवसीय आंतरराष्ट्रीय क्रिकेटमध्ये पदार्पण केले. फोटो सौजन्य - सोशल मिडिया

क्रिकेटचा देव म्हणून ओळखल्या जाणाऱ्या सचिन तेंडुलकरने २९० एकदिवसीय डावांमध्ये ३३ शतके झळकावली. सचिन तेंडुलकरने त्याच्या संपूर्ण एकदिवसीय आंतरराष्ट्रीय क्रिकेट कारकिर्दीत ४९ शतके झळकावली आहेत. विराटने त्याला मागे टाकले आहे. फोटो सौजन्य - सोशल मिडिया

भारतीय संघाचा कर्णधार रोहित शर्मा हा २९० किंवा त्यापेक्षा कमी डावांमध्ये एकदिवसीय क्रिकेटमध्ये सर्वाधिक शतके करणारा तिसरा फलंदाज आहे. त्याने आतापर्यंत फक्त २६५ डाव खेळले आहेत आणि ३२ शतके केली आहेत. फोटो सौजन्य - सोशल मिडिया

या यादीत ऑस्ट्रेलियाचा माजी कर्णधार रिकी पॉन्टिंग चौथ्या क्रमांकावर आहे. पॉन्टिंगने एकदिवसीय क्रिकेटमध्ये २९० डावांमध्ये २६ शतके केली. फोटो सौजन्य - सोशल मिडिया

वेस्ट इंडिजचा वादळी सलामीवीर ख्रिस गेलचे नाव एकदिवसीय आंतरराष्ट्रीय क्रिकेटमध्ये २९० डावांमध्ये सर्वाधिक शतके करण्याच्या बाबतीत पाचव्या क्रमांकावर आहे. त्याने एकदिवसीय क्रिकेटमध्ये २९० डावांमध्ये २५ शतके केली. फोटो सौजन्य - सोशल मिडिया