गोड नात्याचे गोड क्षण – मालिकांमध्ये रक्षाबंधनाचा उत्साह, पाहा Photos

बहिण-भावाच्या नात्यातला गोडवा वाढवणारा सण म्हणजे रक्षाबंधन. स्टार प्रवाहवरील (Star Pravah) ‘ठिपक्यांची रांगोळी’ (Thipkuanchi Rangoli), ‘रंग माझा वेगळा’ (Rang Majha Wegla), ‘तुझेच मी गीत गात आहे’ (Tujhech Mi Geet Gaat Aahe) आणि ‘पिंकीचा विजय असो’ (Pinkicha Vijay Aso) मालिकेत रक्षाबंधनाचा उत्साह पाहायला मिळणार आहे. पाहा या सोहळ्याचे खास फोटो.

‘पिकींचा विजय असो’ मालिकेत पिंकी लग्नानंतरची पहिली राखीपौर्णिमा साजरी करणार आहे.

पिंकी आणि तिचा भाऊ दिप्याचं नातं आपल्या परिचयाचं आहे.

लाडक्या बहिणीला नेहमी साथ देणारा दिप्या पिंकीला रक्षाबंधनाला काय गिफ्ट देणार याची उत्सुकता नक्कीच आहे.

‘तुझेच मी गीत गात आहे’ मालिकेत पिहू आणि स्वरा बहिणी आहेत. मात्र स्वराने आपली ओळख लपवल्यानंतर स्वराज म्हणूनच ती घरात वावरते. यंदाच्या राखीपौर्णिमेला पिहू स्वराजलाच भाऊ मानत त्याला राखी बांधणार आहे.

‘रंग माझा वेगळा’मध्ये  यंदा दीपिका कार्तिकीला राखी बांधून राखीपौर्णिमा साजरी करणार आहे.

दिपिका आणि कार्तिकी दोघी जरी सख्या बहिणी असल्या तरी याची कल्पना दोघींनाही नाही. या दोघींची मैत्री मात्र घट्ट आहे.

मैत्रीच्या नात्याने दीपिका कार्तिकीला राखी बांधणार आहे.

या खास दिवशी बहिण भावाला राखी बांधते मात्र ‘ठिपक्यांची रांगोळी’ मालिकेत मात्र आगळं वेगळं रक्षाबंधन पाहायला मिळणार आहे. अप्पूला भाऊ नाही म्हणून ती उदास आहे. मात्र संपूर्ण कानेटकर कुटुंब एकत्र येऊन अप्पूला राखी बांधणार आहे.

एकत्र कुटुंबाचं महत्त्व या विशेष भागाच्या निमित्ताने अधोरेखित होणार आहे.