आंबट गोड चवीचे कोकम सरबत आरोग्यासाठी ठरेल पौष्टिक, उन्हाळ्याच्या दिवसांमध्ये नियमित करा सेवन

उन्हाळ्यात शरीराची बिघडलेली पचनक्रिया सुधारण्यासाठी नियमित कोकम सरबताचे सेवन करावे. कोकम सरबत प्यायल्यामुळे शरीराची पचनक्रिया सुधारून पचनाचा त्रास होत नाही.

उन्हाळ्यात उष्माघात, डिहाड्रेशन सारख्या गंभीर समस्यांपासून आराम मिळवण्यासाठी कोकम सरबत प्यावे. कोकम सरबत प्यायल्यामुळे शरीरात पाण्याची पातळी वाढते.

कोकममध्ये विटामिन सी आणि अँटीऑक्सिडंट्स घटक मोठ्या प्रमाणात असतात. यामुळे शरीराची कमी झालेली रोगप्रतिकारशक्ती सुधारण्यासाठी कोकम सरबत प्यावे.

उन्हात बाहेर फिरून आल्यानंतर बऱ्याचदा त्वचेमध्ये जळजळ होणे, त्वचा लाल होणे इत्यादी अनेक समस्या उद्भवू लागतात. या सर्व समस्यांपासून आराम मिळवण्यासाठी थंडगार कोकम सरबत प्यावे.

कोकम सरबतमध्ये असलेले इलेक्ट्रोलाइट्स शरीराला लगेच ऊर्जा मिळवून देतात. त्यामुळे थकवा किंवा अशक्तपणा जाणवू लागल्यास कोकम सरबत पिऊन तात्काळ आराम मिळवावा.