व्हॉट्सॲपवरील 5 धोकादायक स्कॅम; तुमची एक चूक अन् रिकामं होईल बँक अकाऊंट… जाणून घ्या

स्कॅमर्स व्हॉट्सॲपवर सरकारी अधिकारी बनून मेसेज करतात. यावेळी यूजर्सना त्यांचे अकाऊंट बंद होणार आहे, केवायसी अपडेट किंवा कार्ड ब्लॉक होणार असल्याचे सांगतात आणि ओटीपी, पिन किंवा बँक डिटेल्सची मागणी करतात. मात्र लक्षात ठेवा बँक अधिकारी व्हॉट्सॲपवर ओटीपीची मागणी करत नाहीत.

व्हॉट्सॲपवर क्रिप्टो, स्टॉक मार्केट किंवा म्युचुअर फंडचा दावा करत यूजर्सना मेसेज केले जातात. यामध्ये सुरुवातीला यूजर्सना त्यांच्या गुंतवणूकीवर छोटे छोटे रिवॉर्ड्स देखील मिळतात. मात्र जेव्हा मोठी रक्कम गुंतवली जाते, स्कॅमर्स हे पैसे घेऊन गायब होतात.

व्हॉट्सॲपवर सतत मोठ्या पगाराची नोकरी आणि वर्क फ्रॉम होमचे मेसेज तुम्हाला पाहायला मिळत असतील. मात्र ही लोकांना फसवण्यासाठी स्कॅमर्सची प्लॅनिंग असते. लोकांना नोकरी देण्याचा दावा करत रजिस्ट्रेशन, ट्रेनिंग किंवा सिक्योरिटी फीच्या नावाखाली बरेच पैसे उकळले जातात.

स्कॅमर्स व्हॉट्सॲपवर खोटा क्यूआर पाठवून तो स्कॅन केल्यास रिवॉर्ड्स मिळण्याचा दावा करतात. मात्र हा क्यूआर कोड स्कॅन करताच तुमची सर्व माहिती स्कॅमर्सपर्यंत पोहोचू शकते आणि तुमचे बँक अकाऊंट रिकामे होऊ शकते.

स्कॅमर्स पार्सल डिलीव्हरीच्या नावाखाली व्हॉट्सॲपवर एक लिंक पाठवतात. या लिंकवर क्लिक करताच तुमची सर्व माहिती स्कॅमर्सकडे जाते आणि तुमचं मोठ्या प्रमाणात नुकसान होऊ शकतं.